Bie sauu. Resey qazaqtarı.

Ombı qalası äkimşiliginiñ qoldauımen jıl sayın ombılıq qazaqtar Dostıq qalası merekesi ayasında bie baylap, tegin wlttıq tağamdar taratadı.

Qazaq wlttıq-mädeni avtonomiyası prezidentiniñ kömekşisi Zäureş Asanovanıñ aytuınşa, bügingi tañda Ombı oblısında 100 mıñnan astam qazaq twradı. Öñirlik qazaq wlttıq mädeni avtonomiyasında segiz qoğamdıq qazaq birlestigi bar.

- Qımızmwrındıq merekesine biıl osımen üşinşi jıl qatısıp otırmız. Özimizben birge qımız ala keldik. Biz de öz jerimizde wyımdastırılatın merekege oray altıbaqan qwrıp, kiiz üy tigemiz. Balalarğa ana tilimiz ben salt-dästürimizdi üyretemiz. Ata-enem ömir boyı wlttıq salt-dästürdi berik wstanıp kelgen. Kelin bolıp tüskenime 20 jıl bolsa da bie sauudı toqtatqan emespin. Tipti, keyde litrin 600 teñgeden saudağa qoyamız, - deydi Zäureş Asanova.

Qazaq wlttıq-mädeni avtonomiyası prezidentiniñ kömekşisi Zäureş Asanova. Foto: pavlodarnews.kz

Reseyde jwmıs istey bastağan alğaşqı etno-mädeni birlestikterdiñ biri Ombı oblısınıñ qazaq wlttıq-mädeni avtonomiyası 1999 jılı qwrılğan. Wyımnıñ janınan «Ombı qazaqtarı» attı basılım şığadı.

Eske sala keteyik, bügin qalalıq demalıs jäne mädeniet sayabağında ötken halıqaralıq  Qımızmwrındıq merekesine Aqmola, Qarağandı, Almatı öñirleri men Resey, Qırğızstan elderiniñ delegaciyası qatısuda.

Aqbota Seysenbaeva

pavlodarnews.kz