Foto: scoop.it

Meksikalıq jurnalist Hav'er Val'destiñ düysenbide Sinaloa ştatındağı  Kul'yakan qalasında  öli denesi tabıldı. Osı uaqıtqa deyin esirtki dilerleri turalı jurnalistik zertteuleri men maqalalarımen tanılğan meksikalıq jurnalist öziniñ redakciyasınıñ aldında öltirilgen.

2011 jılı reporter esirtki saudası mäselesine baylanıstı eñbegi üşin Jurnalisterdi qorğau komitetiniñ arnayı sıylığın alğan edi.

Öziniñ 30 jıldıq mansabında Hav'er Val'des Meksikadağı qılmıstıq toptar men esirtki dilerleri turalı köptegen tergeu jwmıstarın jürgizip, qwqıq qorğau organdarına qılmıspen küresuge özindik kömegin tigizgen bolatın.

Jurnalistiñ zertteuine säykes, AQŞ-qa tasımaldanatın esirtkiniñ törtten bir böligi - Meksikadan jetkiziledi eken. Älemdegi esirtki saudasımen aynalısatın eñ tanımal dilerlik toptıñ basşısı Hoakin Guzman 2014 jılı wstalıp, büginde AQŞ-ta qamauğa alınğan.

Meksika prezidenti Enrike Pen'ya N'eto jurnalistiñ ölimine baylanıstı tergeu jwmıstarın jürgizip, qılmıskerlerdi tez arada qwrıqtauğa bwyrıq bergen. Al äriptesteri men Hav'er Val'destiñ otbası qwqıq qorğau organdarınıñ qorğauına alınğan.

Osı jıldıñ naurız ayında Meksikada esirtki saudası turalı jazatın tağı bir jurnalist öltirilgen edi.

Al Jurnalisterdi qorğau komitetiniñ esebine süyensek, elde 1992 jıldan beri 40-tan astam jurnalist qılmıstıq toptardıñ qatısuımen azaptalıp, öltirilgen eken.

“The Qazaq Times”