Resey astıq eksportı boyınşa öz poziciyasın jaqsarttı. Foto: kazakh-zerno.kz

Reseyde astıq eksportı öte jıldam jandandırıp keledi. Tages-Anzeiger dep atalatın şveycariyalıq gazettiñ şoluşısı Andreas Flyutçtiñ mälimetinşe, AQŞ pen Europalıq odaq kerisinşe, soya, biday jäne jügeri bağasınıñ tömendeui saldarınan şığınğa batıp jatır. 

AQŞ-tıñ auıl şaruaşılığı ministrliginiñ mälimetinşe, 2016 jılı Resey astıq eksportı boyınşa älemdik narıqta Amerikanı basıp ozğan. Al 2017 jılı Euroodaq qwramındağı köşbasşı elderdi quıp jetui mümkin. "Resey Qazan revolyuciyası kezindegidey nağız astıq qoyması boluı ğajap emes", - delingen Flyutçtiñ şoluında.

Avtordıñ pikirinşe, damuşı elderdegi astıq eksportınıñ artuı älemdegi azıq-tülik jağdayına erekşe äser etedi. Jurnalistiñ aytuınşa, batıs elderindegi agroholdingterge osı künge deyin oñtüstik amerikalıq fermerler şaruaşılığı nağız bäsekeles bolğan. Mısalı 2012 jılı Braziliya soya satılımı boyınşa AQŞ-tı artta qaldırsa, endigi uaqıta jügeri eksportı boyınşa älemdik köşbasşı boladı.

Avtor sonday-aq, batıs elderi  tarapınan bolğan sankciya "Reseydiñ agrarlıq sektorınıñ nığayuına kömektesti" degendi aytadı. Batıs tarapınan bolğan saudağa qatıstı şekteuler auıl şaruaşılığınıñ damuına kömektesken, al rubl'diñ arzandauı älemdik narıqta reseylik fermerlerdiñ bäsekege qabilettiligin arttırdı. AQŞ pen EO käsipkerleri bolsa aytarlıqtay şığınğa wşırap jatır.

"Köptegen amerikalıq fermerler bağanıñ tömen boluın qalamaydı", - dep jazadı Flyutç. Mwnday jağdaydı eskergen Aq üy protekcionistik sauda sayasatına jüginip, salanıñ damıtamız degen niette.

“The Qazaq Times”