رەسەي ناعىز استىق قويماسىنا اينالايىن دەپ تۇر

رەسەيدە استىق ەكسپورتى وتە جىلدام جانداندىرىپ كەلەدى. Tages-Anzeiger دەپ اتالاتىن شۆەيتساريالىق گازەتتىڭ شولۋشىسى اندرەاس ءفليۋتچتىڭ مالىمەتىنشە، اقش پەن ەۋروپالىق وداق كەرىسىنشە، سويا، بيداي جانە جۇگەرى باعاسىنىڭ تومەندەۋى سالدارىنان شىعىنعا باتىپ جاتىر. 

اقش-تىڭ اۋىل شارۋاشىلىعى مينيسترلىگىنىڭ مالىمەتىنشە، 2016 جىلى رەسەي استىق ەكسپورتى بويىنشا الەمدىك نارىقتا امەريكانى باسىپ وزعان. ال 2017 جىلى ەۋرووداق قۇرامىنداعى كوشباسشى ەلدەردى قۋىپ جەتۋى مۇمكىن. "رەسەي قازان رەۆوليۋتسياسى كەزىندەگىدەي ناعىز استىق قويماسى بولۋى عاجاپ ەمەس", - دەلىنگەن فليۋتچتىڭ شولۋىندا.

اۆتوردىڭ پىكىرىنشە، دامۋشى ەلدەردەگى استىق ەكسپورتىنىڭ ارتۋى الەمدەگى ازىق-تۇلىك جاعدايىنا ەرەكشە اسەر ەتەدى. ءجۋرناليستىڭ ايتۋىنشا، باتىس ەلدەرىندەگى اگروحولدينگتەرگە وسى كۇنگە دەيىن وڭتۇستىك امەريكالىق فەرمەرلەر شارۋاشىلىعى ناعىز باسەكەلەس بولعان. مىسالى 2012 جىلى برازيليا سويا ساتىلىمى بويىنشا اقش-تى ارتتا قالدىرسا، ەندىگى ۋاقىتا جۇگەرى ەكسپورتى بويىنشا الەمدىك كوشباسشى بولادى.

اۆتور سونداي-اق، باتىس ەلدەرى  تاراپىنان بولعان سانكتسيا "رەسەيدىڭ اگرارلىق سەكتورىنىڭ نىعايۋىنا كومەكتەستى" دەگەندى ايتادى. باتىس تاراپىنان بولعان ساۋداعا قاتىستى شەكتەۋلەر اۋىل شارۋاشىلىعىنىڭ دامۋىنا كومەكتەسكەن، ال ءرۋبلدىڭ ارزانداۋى الەمدىك نارىقتا رەسەيلىك فەرمەرلەردىڭ باسەكەگە قابىلەتتىلىگىن ارتتىردى. اقش پەن ەو كاسىپكەرلەرى بولسا ايتارلىقتاي شىعىنعا ۇشىراپ جاتىر.

"كوپتەگەن امەريكالىق فەرمەرلەر باعانىڭ تومەن بولۋىن قالامايدى", - دەپ جازادى فليۋتچ. مۇنداي جاعدايدى ەسكەرگەن اق ءۇي پروتەكتسيونيستىك ساۋدا ساياساتىنا جۇگىنىپ، سالانىڭ دامىتامىز دەگەن نيەتتە.

“The Qazaq Times”