AQŞ Qorğanıs ministri Metiss. Foto: The Wall Street Journal

AQŞ Qorğanıs departamentiniñ habarlauınşa, Reseydegi keñ auqımdı äskeri oqu-jattığulardıñ aldında Qwrama Ştat Baltıq aymağındağı reseylik äskeri qorğanıs quatın baqılaudı arttıradı. Bwl turalı “The Wall Street Journal” basılımı habarlap otır.

Atalğan departamenttiñ lauazımdılarınıñ aytuınşa, AQŞ Qorğanış departamenti tergeu-tekseru pärmenin arttıruda. Bwl tekseru Reseydegi qırküyek ayında bolatın äskeri oqu jattığulardı, sonday-aq, Baltıq teñizindegi äskeri flotın da öz işine qamtidı. Bwl baqılau mindetin NATO-nıñ äue qorğanıs şarlau bölimi öz moynına aladı. Aqüy ökilderiniñ aytuınşa atağan aymaqqa zımıranğa qarsı jaña jüye ornatıluı da mümkin eken.

Qorğanıs departamentiniñ aytuına qarağanda, Resey “Zapad” äskeri oqu-jattığuında eñ soñğı ülgidegi ozıq äskeri tehnikalar tartıladı dep kütilude. Bwl AQŞ jaqtıñ barlau tekseruine ülken oray bolmaq eken. Resey jaq aymaqtağı äskeri tehnikalardı jañartıp aldağı oqu jattığuğa paydalanadı. Keybir ozıq soğıs tehnikaları jattığudan keyin qoldanudan şığarıp tastauı da mümkin.

AQŞ qorğanıs ministri Metiss (Jim Mattis) särsenbi küni Litva prezidenti men birge Vil'nyuste boldı. Bwdan keyin belgili bolğanı – AQŞ NATO-nıñ äskeri qorğanıs quatın qoldau üşin atalğan aymaqta kemeldi qorğanıs jüyesin ornatuı mümkin. Dese de bwl lauazımdılar bwl turalı naqtı mälimet bildirmedi. AQŞ-tıñ NATO-nı qoldauı küşeygen sayın Reseyge qısım tüsetini anıq. Äsirese, Baltıq aymağında zımıranğa qarsı jüye ornatılatın bolsa, onda, Reseydiñ qorğanıs qauipsizdigi jaña sınğa döp keledi. Demek aldağı uaqıtta NATO men Resey arasındağı teke-tires küşeye tüsedi degen söz.

"The Qazaq Times"