«Wlı jeñisi» dep atalıp kelgen, Ekinşi düniejüzilik soğıstıñ Europa soğıs maydanındağı Keñes odağınıñ jeñisine 72 jıl toldı. AQŞ «SITE» barlau gruppasınıñ (SITE Intelligence Group) 9 mamırdağı jariyalağan habarına qarağanda, jaqında «Islam memleketi» ekstremistik wyımı arnaulı video material taratqan. Videoda Süriyada lañkester jağınan twtqındalğan reseylik barlau agenti Evgeniy Petrenkonı azaptap öltirilgeni tüsirilgen. Qolğa tüsken reseylik agenttik basın kesip, üreyli sözder söylegen lañkester bwl äreketin «Wlı jeñiske jasağan tartuımız» degen.

Alayda, bwl habar tarala salısımen Resey Qorğanıs ministrligi men Federaldıq qauipsizdik qızmeti bwl aqparattı teriske şığardı. Resey ükimetiniñ aqparat ökili «Komsomol'skaya pravda» basılımınıñ swhbatın qabıldağanda «bwl video material turalı aytılğandardıñ bäri de bıljıraq» degen pikirin ayttı.

Titrda orıs tilinde tüsindirme berilgen videonıñ wzaqtığı 12 minut. Qara kiimdi er adamnıñ qwm üstinde tizerlep otırğanın köruge boladı. Bwl adamnan basqa reseylik arnayı qızmetkerler turalı swraqtar swrap jatqanın biluge boladı. Al, onıñ basın şabardan bwrın onı kelemejdegen, qorlağan sözder aytıladı. Äzirge bwl dayındalğan beyne materialdıñ tüpnwsqası tabılıp anıqtalmadı. Sonday-aq, oqiğanıñ naqtı qay kezde bolğanı da belgisiz. Tek «Islam memleketi» lañkesteri bwl er adamdı osıdan bwrın qolğa tüsken reseylik barlau agenti dep körsetedi.

Bwl beyne materialdı teristegen Resey ükimetiniñ aqparat ökili birneşe dälel körsetti. Birinşiden, videoda söz bolğanday, Petrenkoğa tieseli «Federaldıq qauipsizdik komitetiniñ Ekinşi dünie soğısı jönindegi basqarması» degen mwnday wyım atımen joq. Ekinşiden, Resey barlau agenttikterinde ştattan tıs qızmetkerlerde kapitan atağı boluı mümkin emes. Al, üşinşiden, Resey zañına säykes Federaldıq qauipsizdik komitetiniñ barlıq qızmeti memleket işinde jürgiziledi. Özge elderde qızmet öteytinder basqa bölimniñ qızmetkerlerinen boladı.

Resey ükimetiniñ ökili bwl bir joğarı deñgeyde maqsattı türde jasalğan qaueset ekenin ayttı. Reseydiñ Qorğanıs ministrligi taratqan mälimdeme boyınşa Resey jäne Siriya ükimetiniñ barlıq qızmetkerleri qazir öte qauipsiz. Degenmen, osıdan bwrın Resey ükimeti jariyalağan mälimet boyınşa, Kreml' 2015 jıldıñ qırküyeginde Süriyadağı operaciyanı bastağannan beri, 30 reseylik äskeri qızmetker qata tapqan.

“The Qazaq Times”