Qarızdıñ 93%-ı europalıq obligaciyalarğa tiesili. Foto: Forbes.kz

2016 jılı Qazaqstannıñ sırtqı qarızı 9%-ğa köbeyip, 13,9 mlrd dollardı qwradı. Al osı jıldıñ birinşi toqsanındağı esepke män bersek, qarız soması 13,8 mlrd dollar degen körsetkişke ie bolıp otır. Ranking agenttigi wsınğan mälimet osınday.

2014-2015 jıldarı Qazaqstan eldegi strategiyalıq maqsattağı jobalardı jüzege asıru üşin halıqaralıq qarjı instituttarınan belsendi türde qarız alğan. Nätijesinde Ükimettiñ basqa bankterge bereşegi 2015 jılı birden 65%-ğa nemese 12,7 mlrd dollarğa deyin östi. Al ötken jılğı nätije - 9%.

Memlekettiñ sırtqı qarızınıñ 93%-ı, yağni 6,5 mlrd dolları europalıq obligaciyalarğa tiesili. Sonıñ işinde Düniejüzilik bank aldındağı qarızımız 4,1 mlrd dollar bolsa, Aziyalıq damu bankine bereşegimiz 2,1 mlrd  dollar.

Soñğı eki jıl işinde Qazaqstannıñ Düniejüzilik bank aldındağı qarızı 2 mlrd dollarğa jetken. Bwl investorlar aldındağı qarız deñgeyin birden 9 esege nemese 35%-ğa deyin ösirip otır. Osı jıldıñ alğaşqı aylarında alınğan qarjı äzirge 67 mln dollar.

Al Japoniyanıñ halıqaralıq ıntımaqtastıq banki aldındağı qarız  4%-ğa, 0,5 mlrd dollarğa qısqarsa, 2016 jılı Europalıq qayta qwru jäne damu bankindegi qarızımız kerisinşe, 0,2 mlrd dollarğa (23%) deyin ösken.

"The Qazaq Times"