سولتۇستىك قازاقستان وبلىسىندا 19 مىڭ ادام باسپانا كەزەگىندە تۇر، ونىڭ 13 مىڭى پەتروپاۆلدا. بىلتىر وڭىردە تۇرعىن ءۇي قۇرىلىسىنىڭ كولەمى 3 ەسەگە ارتتى. 2018 جىلى قارقىن ۇدەي تۇسەدى. بيىل وبلىس ورتالىعىندا 1600 پاتەردى قولدانىسقا بەرۋ كوزدەلگەن، دەپ حابارلادى وبلىس اكىمدىگىنىڭ ءباسپاسوز قىزمەتى.
«ارزان يپوتەكا، سالىقتى ءتۇسىرۋ، شاعىن نەسيەلەردى جانە ءبىلىم گرانتتارىن كوبەيتۋ ۇلكەن قاراجاتتى تالاپ ەتەدى. بۇعان مەملەكەت قارجى تاپتى»، - دەدى وبلىس اكىمى قۇمار اقساقالوۆ.
سونداي-اق، وبلىس اكىمدىگىنىڭ حابارىنا قاراعاندا 60 مىڭ تەڭگەدەن از ەڭبەكاقى الاتىن ازاماتتار بۇدان بىلاي تەك 1 پايىز عانا سالىق تولەيتىن بولادى. ءوڭىر بيۋدجەتىنە شامامەن 1 ملرد تەڭگە كەم تۇسكەنمەن، حالىقتىڭ كىرىسى كوبەيىپ، ساتىپ الۋ مۇمكىندىگى ۇلعايادى.
اقپاراتقا قاراعاندا، سقو-دا بىلتىر 2 ملرد تەڭگەنىڭ 437 شاعىن نەسيەسى بەرىلگەن. بيىل بۇل باعىتقا 2,8 ملرد تەڭگە ءبولىندى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى