Foto: kredit-blog.ru

Soltüstik Qazaqstan oblısında 19 mıñ adam baspana kezeginde twr, onıñ 13 mıñı Petropavlda. Bıltır öñirde twrğın üy qwrılısınıñ kölemi 3 esege arttı. 2018 jılı qarqın üdey tüsedi. Biıl oblıs ortalığında 1600 päterdi qoldanısqa beru közdelgen, dep habarladı oblıs äkimdiginiñ baspasöz qızmeti.

«Arzan ipoteka, salıqtı tüsiru, şağın nesielerdi jäne bilim granttarın köbeytu ülken qarajattı talap etedi. Bwğan memleket qarjı taptı», -  dedi oblıs äkimi  Qwmar Aqsaqalov.

Sonday-aq, oblıs äkimdiginiñ habarına qarağanda 60 mıñ teñgeden az eñbekaqı alatın azamattar bwdan bılay tek 1 payız ğana salıq töleytin boladı. Öñir byudjetine şamamen 1 mlrd teñge kem tüskenmen, halıqtıñ kirisi köbeyip, satıp alu mümkindigi wlğayadı.

Aqparatqa qarağanda, SQO-da bıltır 2 mlrd teñgeniñ 437 şağın nesiesi berilgen. Biıl bwl bağıtqa 2,8 mlrd teñge bölindi.

“The Qazaq Times”