Densaulıq saqtau ministrligi 1,5 ay bwrın iske asuı tiis koronavirus pnevmoniyasınıñ aymaqtardağı statistikasın endi jariyalay bastadı. Alğaş ret aşıq derekközde 14 qırküyekte jariyalanğan.

Tamız ayınıñ basında koronavirus pnevmoniyası jaña formatta esepke alınğalı beri Şığıs Qazaqstan oblısında dert örşip twr.

Koronavirus boyınşa astana (14 mıñ) jäne Almatı (14 mıñ) qalaları, Atırau (11 mıñ), Qarağandı (10 mıñ) oblıstarında nauqastar köptep tirkelgen. Al koronavirus pnevmoniyasına şaldıqqandardıñ eñ köbi ŞQO (4,3 mıñ) jäne astana (3,8 mıñ), Almatı qalasında (3 mıñ). Bwl derekter 23 qırküyekke deyingi mälimet.

Älem elderi eki kodpen belgilenetin aurudıñ tüp negizi bir boluına baylanıstı qosıp esepteydi. Degenmen Qazaqstan ekeuin bölip-jarıp qaraydı. Koronavirus turalı aqparat kündelikti jüyeli jariyalansa, koronavirus pnevmoniyası aptasına, keyde dekedasında bir jañaradı. Toqaevtıñ «şındıq aşı bolsa da derek birizdenui tiis» degen tapsırmasına qaramastan Ükimet pen DenMin äzirge bwl kemşilikti moyındağısı joq.

Biıl jazda «mausım-şilde qırğınına» jol berip alğan Qazaqstan Ükimetiniñ dereginşe, 1 tamızdan beri koronavirus pnevmoniyasına şaldıqqandar 32 mıñğa juıqtağan. 13 naurızdan beri bilik moyındağan COVID-19 infekciyasın jwqtırğandar qatarı 107 mıñğa ösken.

DDSW mälimetinşe, Qazaqstanda auırğandardıñ sanı 138 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı jiını virus jwqqandardıñ 2,6 mıñnan köbi (KVI+ / U07.1 – 1 711, KVI- / U07.2 – 346, ilespe aurulardan – 576) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 576 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Pandemiyanıñ Qazaqstan aymaqtarında taraluı turalı statistika. Dayındağan: The Qazaq Times AA www.qaqaztimes.com

 

"The Qazaq Times"