دەنساۋلىق ساقتاۋ مينيسترلىگى 1,5 اي بۇرىن ىسكە اسۋى ءتيىس كوروناۆيرۋس پنەۆمونياسىنىڭ ايماقتارداعى ستاتيستيكاسىن ەندى جاريالاي باستادى. العاش رەت اشىق دەرەككوزدە 14 قىركۇيەكتە جاريالانعان.
تامىز ايىنىڭ باسىندا كوروناۆيرۋس پنەۆمونياسى جاڭا فورماتتا ەسەپكە الىنعالى بەرى شىعىس قازاقستان وبلىسىندا دەرت ءورشىپ تۇر.
كوروناۆيرۋس بويىنشا استانا (14 مىڭ) جانە الماتى (14 مىڭ) قالالارى، اتىراۋ (11 مىڭ), قاراعاندى (10 مىڭ) وبلىستارىندا ناۋقاستار كوپتەپ تىركەلگەن. ال كوروناۆيرۋس پنەۆمونياسىنا شالدىققانداردىڭ ەڭ كوبى شقو (4,3 مىڭ) جانە استانا (3,8 مىڭ), الماتى قالاسىندا (3 مىڭ). بۇل دەرەكتەر 23 قىركۇيەككە دەيىنگى مالىمەت.
الەم ەلدەرى ەكى كودپەن بەلگىلەنەتىن اۋرۋدىڭ ءتۇپ نەگىزى ءبىر بولۋىنا بايلانىستى قوسىپ ەسەپتەيدى. دەگەنمەن قازاقستان ەكەۋىن ءبولىپ-جارىپ قارايدى. كوروناۆيرۋس تۋرالى اقپارات كۇندەلىكتى جۇيەلى جاريالانسا، كوروناۆيرۋس پنەۆمونياسى اپتاسىنا، كەيدە دەكەداسىندا ءبىر جاڭارادى. توقاەۆتىڭ «شىندىق اششى بولسا دا دەرەك بىرىزدەنۋى ءتيىس» دەگەن تاپسىرماسىنا قاراماستان ۇكىمەت پەن دەنمين ازىرگە بۇل كەمشىلىكتى مويىنداعىسى جوق.
بيىل جازدا «ماۋسىم-شىلدە قىرعىنىنا» جول بەرىپ العان قازاقستان ۇكىمەتىنىڭ دەرەگىنشە، 1 تامىزدان بەرى كوروناۆيرۋس پنەۆمونياسىنا شالدىققاندار 32 مىڭعا جۋىقتاعان. 13 ناۋرىزدان بەرى بيلىك مويىنداعان COVID-19 ينفەكتسياسىن جۇقتىرعاندار قاتارى 107 مىڭعا وسكەن.
ددسۇ مالىمەتىنشە، قازاقستاندا اۋىرعانداردىڭ سانى 138 مىڭنان اسقان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى.
پاندەميا باستالعالى جالپى جيىنى ۆيرۋس جۇققانداردىڭ 2,6 مىڭنان كوبى (كۆي+ / U07.1 – 1 711, كۆي- / U07.2 – 346, ىلەسپە اۋرۋلاردان – 576) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 576 ادامدى جالپى ستاتيستيكاعا قوسىپ ەسەپتەمەيدى. ساراپشىلار بۇعان قارسى. ولاردىڭ ايتۋىنشا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟