اۋىل كىتاپحانارى. جازعى دەمالىستا بالالار كىتاپ وقي ما؟

بيىلعى وقۋ جىلى اياقتالىپ كەلەدى، الدا 3 ايلىق دەمالىس. بىرەۋلەر ءۇشىن شەكسىز ەركىندىك. ويىن، قىدىرۋ، ۇيقىنى قاندىرۋ. ال، كەيبىر بالالار ءۇشىن ءبىلىم مەن قىزىعۋشىلىقتارىنا جول اشاتىن مۇمكىندىك. ىزدەنگىش بالالار مەن شىعارماشىلىق قيالعا باي بالالار ءۇشىن قوعام قانداي جاعداي جاساي الادى؟ اتا-انالاردىڭ جاعدايى جار بەرسە اقىلى لاگەرلەرگە جىبەرەدى. ونداي جاعدايعا قول جەتكىزە المايتىن جەتكىنشەكتەر ءوز بەتىنشە ىزدەنەدى. ءبىز كىتاپقۇمار بالالار تۋرالى ايتپاقپىز. نەگىزىندە، بۇگىنگى كۇندە ستاتيستيكا بويىنشا كىتاپ وقىعىسى كەلەتىن بالالار وتە از.

2021ج بالالاردىڭ كىتاپ وقۋىن قولداۋ جىلى بولعانىنا قاراماستان، كىتاپ وقيتىن بالالاردىڭ سانى ءالى دە تومەن. ەلەكترونيكاعا اۋەستىك، ءتۇرلى كومپيۋتەرلىك ويىندار، ءارتۇرلى الەۋمەتتىك جەلىدەگى كۇندىز-ءتۇنى ءۇزىلىسسىز كورسەتىلەتىن ۆيدەولار مەن جەكە كانالدار قويىرتپاق كۇيىندە، تالعاۋسىز ۇسىنىلىپ بالالاردىڭ ساناسىنا اسەر ەتۋدە، ۋاقىتتارىن ۇرلاۋدا. سوندىقتان، كىتاپقا قىزىعاتىن بالالاردى دارىپتەي وتىرىپ، باسقا بالالاردى دا تارتۋ وتە ماڭىزدى. وسى ويمەن الماتى وبلىسى تالعار اۋدانى قىزىل-قايرات اۋىلى N19 كوپ سالالى مەكتەپ گيمنازياسىنىڭ كىتاپحاناشىسى ەسمۇحانوۆا گۇلسىم اپايمەن سويلەسكەن بولاتىنبىز. اتالعان مەكتەپ مەكتەپتىڭ كىتاپحاناسىندا ەكى قىزمەتكەر بار، جانىنداعى ارىپتەسى جارماعامبەتوۆا ايمان ەكەۋى وسى باعىتتا ءبىراز جۇمىستار ىستەگەن. ول جۇمىستار ءۇشىن مەكتەپ ۇجىمى دا كومەكتەسكەن. مەملەكەت باسشىسى قاسىم-جومارت توقاەۆتىڭ ۇلتتىق قوعامدىق سەنىم كەڭەسىندە بعم بەرگەن تاپسىرماسىنا سايكەس “وقۋعا قۇشتار مەكتەپ” جوباسى اياسىندا جۇمىستار اتقارىپ ءىس-شارالار جۇرگىزگەنىن تىلگە تيەك ەتتى.
گۇلسىم حانىمنىڭ ايتۋى بويىنشا وسى وقۋ جىلىندا اقىن ق. امانجولوۆتىڭ 110 جىلدىعى، جازۋشى س. مۇراتبەكوۆتىڭ 85 جىلدىعى، ايگىلى پەداگوگ ى.ءالتىنساريننىڭ 180 جىلدىعى اتالىپ، مەكتەپ كولەمىندە كەشتەر وتكىزىلگەن. سونداي-اق، اقىن ت.مولداعاليەۆ پەن ق. مىرزا-ءالي شىعارماشىلىعىمەن تانىستىرىلىمدار بولعان. ء“بىر كىتاپ-ءبىر سىنىپ” جوباسىمەن 4-5 سىنىپتار اراسىندا توپتىق جۇمىستار بولعانىن ايتتى. سونداي-اق، الداعى جوسپارلارىمەن ءبولىستى. الداعى دەمالىس كەزىندە مەكتەپتە لاگار ۇيىمداستىرىپ، كىتاپ وقۋعا ىنتالى بالالاردى شابىتتاندىراتىن ويىندار ۇيىمداستىرىلاتىنىن، ماۋسىم مەن تامىز ايىندا جالعاستى جۇمىس ىستەي بەرەتىندەرىن حابارلادى. بالالارعا ارنالعان كوپتەگەن كىتاپتارعا مەكتەپ ديرەكتورى ە. و.كونشيباەۆپەن اقىلداسا وتىرىپ تاپسىرىس بەرگەندەرىن جانە سول كىتاپتاردى بالالاردىڭ وقۋى ءۇشىن ۇيلەرىنە الۋىنا رۇقسات ەتىلەتىنىن دە ءسوز ەتتى.

قىزىل-قايرات اۋىلدىق مادەنيەت ۇيىندەگى كىتاپحاناشى شايماحانوۆا روزا ماكەنقىزىنا دا وسىعان بايلانىستى بىرنەشە سۇراق قويعان ەدىك.

بىلتىر بالالاردىڭ كىتاپ وقۋىن قولداۋ جىلى بولدى، بيىل بالالار جىلى، وسى ەكى جىلدا كىتاپحاناعا بالالارعا ارنالعان جاڭا كىتاپتار ءتۇستى مە؟

ارينە، جىل سايىن كىتاپ قورىنا بالالار عا ارنالعان كىتاپتار ءتۇسىپ تۇرادى، بىلتىر مەن بيىلعى جىلى بالالار ادەبيەتىنە ەرەكشە كوڭىل بولىنۋدە.

بالالارمەن بىرگە كىتاپ وقۋعا ىنتالاندىراتىن ءىس-شارالار وتكىزدىڭىزدەر مە؟

قىزىلقايرات "مودەلدى اۋىل كىتاپحاناسى 2011 جىلى اقپان ايىنان باستاپ اشىلىپ، كىتاپحانا تەك قانا ۇلكەندەرمەن ەمەس، منكتەپ وقۋشىلارىمەن،مەكتەپكە دەيىنگى بۇلدىرشىندەرگە دە كوپتەگەن ءىس- شارالار جۇرگىزىپ كەلەدى
تاربيە باسى - تال بەسىكتەن" دەگەندەي،بالانى جاستايىنان كىتاپ وقۋعا داعدىلاندىرۋ، بىلىمگە جەتەلەۋ،قازاقي سالت- ءداستۇرىمىزدى، ادەت- عۇرپىمىزدى، ۇلكەندى سىيلاۋ،قۇرمەتتەۋ،اتا- بابا مۇراسىن ۇرپاققا جەتكىزۋ،ءاربىر داتالى اقىن- جازۋشىلار، قوعام قايراتكەرلەرى،مادەني ءىس- ششارالار،"ولكەتانۋ" بارىسىندا تۋعان جەرگە تاعزىم،جەرگىلىكتى تۇلعالارمەن كەزدەسۋ كەشتەرى،ت.ب ءىس - شارالارى جۇرگىزىلىپ تۇرادى

وقىرماندارىڭىز كوپ پە جانە ولاردىڭ ىشىندە بالالار بار ما؟
كىتاپحاناعا جىل سايىن 650- وقىرمان تىركەلىپ، كىتاپ الىپ وقيدى، جانە جىلجىمالى كىتاپحانا اپتاسىنا ءبىر رەت جۇمىس جاساپ،وقىرماندار سۇرانىسىن جەتكىزىپ وتىرادى
كىتاپحانامىزدا "وتباسىلىق وقۋ" جوباسى","اقىندىققا باستار جول" كلۋبى","كوۆوركينگ" ورتالىعى، "اسىل قازىنا" اجەلەر" توبىمەن،مۇمكىندىگى شەكتەۋلى بالالار ورتالىعى "اقجول م" جۇمىس جاسايدى
ايتا بەرسەم ون ءبىر جىلدا كەرەمەت جۇمىستار جۇرگىزىلىپتى،شۇكىر، كىتاپقا قۇمار،اقىندىققا قۇمار جاستار بولدى، بىراق، مەكتەپ ءبىتىرىپ، كلۋبىمىز جىل سايىن جاڭا جاس اقىندارمەن تولىقتىرىلىپ وتىرىلادى، كلۋب ءبىر جىلعا قۇرىلادى.

قازىرگى بالالارعا كىتاپ وقىتۋ قيىن دەيتىندەر دە بار. الايدا كىتاپحانانىڭ جاساعان جاقسى جاعدايى وقىرمانداردى كوبەيتەرى ءسوزسىز. بۇل ءۇشىن بارلىق دەڭگەدەگى مەكەمەلەر بارىنشا ات سالىسسا دەگەن تىلەكتەمىز.

ءنۇرباتيما بايتۇرسىن

تالعار اۋدانى.