قىرعىزستاننىڭ شەكارا قىزمەتى قىرعىز-تاجىك شەكاراسىندا قۇرال قولدانعان جانجال بولعانىن مالىمدەدى. قازىرشە تاراپتاردان زارداپ شەككەندەر تۋرالى انىق مالىمەت جوق. ال جانجال بويىنشا ديالوگ ءجۇرىپ جاتىر.
كەزەكتى شەكارالىق جانجال بۇگىن تۇستەن بۇرىن ساعات 10:50 شاماسىندا، باتكەن وبلىسىنىڭ تەسكەي دەپ اتالاتىن ءالى دە بەكىتىلمەگەن شەكارالىق ايماقتا بولعان.
قىرعىزستان اقپارات قۇرالدارىنىڭ مالىمەتىنە سەنسەك، تاجىكستاندىق شەكاراشىلار بەكىتىلمەگەن شەكارا اۋماعىندا وسىعان دەيىن قولدانىلىپ كەلە جاتقان ءجۇرۋ باعىتىن وزگەرتىپ، قىرعىز شەكاراشىلارىنان سول اۋماقتان شىعىپ كەتۋدى تالاپ ەتكەن، جانجالعا وسى سەبەپ بولعان.
ارتىنشا تاجىك شەكاراشىلارىنا قوسىمشا كۇش كەلىپ قوسىلىپ، سان جاعىنان باسىمدىققا يە بولعان تاجىك شەكاراشىلارى جاڭا شەكتەۋ سىزىعىنا كىرۋگە تىرىسقان. قىرعىز تاراپ ولاردىڭ بۇل ارەكەتىنە جول بەرمەۋگە تىرىسقان. ناتيجەسىندە تاراپتار 10 مينۋت بويى وق اتىسقان.
قىرعىزستان شەكارا قىزمەتى تاراتقان رەسمي مالىمەتتە وق اتىسۋدان زارداپ شەككەن قىرعىزستاندىقتاردىڭ جوق ەكەنى ايتىلدى.
اتىستان كەيىن ەكى ەل شەكارا قىزمەتىنىڭ لاۋازىمدىلارى تەلەفون ارقىلى سويلەسىپ، اتىس بولعان اۋماقتان شەكاراشىلاردى كەرى قايتارۋ جانە قوسىمشا كۇش تارتپاۋ تۋرالى كەلىسكەن.
تۇسكە قاراي ەكى ەل شەكارا قىزمەتىنىڭ وكىلدەرى كەزدەسۋ وتكىزگەن.
قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ مالىمەتىنشە، تەسكەي جەرى مەملەكەت ارالىق شەكارانىڭ بەكىتىلمەگەن اۋماعى سانالادى، قازىر اۋماقتى قىرعىزستاندىقتار پايدالانىپ كەلەدى.
جانجالدان كەيىن باتكەن وبلىسىنداعى قىرعىز شەكارا قىزمەتى كۇشەيتىلگەن رەجيمدە جۇمىس ىستەپ تۇر.
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
31 مامىر: ۇمىتىلعان الدە بيلىك ادەيى ۇمىتتىرعىسى كەلگەن تاريح پا؟
«قازاقشا سويلە!»: كۋرەر تۇتىنۋشىعا دورەكىلىك تانىتپاعانىن ايتتى. Magnum’نىڭ بويكوت باستاماسىنان كەيىنگى مالىمدەمەسى
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟