ەلىمىز قيىن ءارى كۇردەلى تاريحي كۇندەردى ارتتا قالدىردى. بۇگىن، 11 قاڭتاردا وتكەن ءماجىلىستىڭ كەڭەيتىلگەن وتىرىسى جانە سونىڭ قورىتىندىسى وسىنى كورسەتكەندەي بولدى. ونلاين جيىندا ۇكىمەت باسشىلىعىنا ءاليحان سمايىلوۆ كەلدى. پرەزيدەنت توقاەۆ بىرقاتار وزەكتى ەكونوميكالىق-الەۋمەتتىك ماسەلەلەر بويىنشا مالىمدەمەلەر جاسادى.
قازاقستان پرەزيدەنتى قاسىم-جومارت توقاەۆتىڭ مالىمدەمەسىندە ءسوز بولعان ەڭ ەلەۋلى باستامالار مەن وزگەرىستەر رەتىندە مىنالاردى ايتۋعا بولادى: «سامۇرىق-قازىن» قورىنا قاتىستى رەفورما جوباسىن ازىرلەۋ; «وپەراتور روپ» كومپانياسىنىڭ ۋتيلدىك الىم الۋىنا شەكتەۋ قويۋ; قىتايمەن ەڭ نەگىزگى شەكارالىق وتكەن قورعانىس كەدەن بەكەتىن رەتكە كەلتىرۋ جانە تاعى باسقالارى.
اتالعان تاقىرىپتار قوعام وكىلدەرى جاعىنان دا ەڭ ءبىر قىزۋ تالقىلانعان جانە جىلى قابىلدانعان تاقىرىپتار بولدى. ەكونوميكالىق-الەۋمەتتىك دامۋدىڭ كەپىلگەرى رەتىندە جاڭا جوبالاردى جوسپارلاۋ، ستراتەگيا بەكىتۋ بويىنشا تاپسىرمالار بەرىلۋى كەزەكتى وتىرىستىڭ باستى سيپاتى دەسەك تە بولادى.
ارينە، ەل كۇتكەندەي ەلدەگى كەلەڭسىزدىكتەرگە جاۋاپتى تۇلعالار مەن ساياسي توپتار اتالمادى. ساياسي قۇرلىمدىق وزگەرىستەر، ساياسي رەفورمالار تۋرالى ءسوز ەتىلمەدى. دەگەنمەن، بۇگىنگى وتىرىس توقاەۆشا ايتقاندا: «قازاقستان دامۋدىڭ جاڭا كەزەڭىنە كىرگەن» كەزەڭدەگى اسا ماڭىزدى ءارى تاريحي وتىرىس دەپ اتاۋعا نەگىز بار.
قوعامنىڭ جاڭا باستامالاردان ءۇمىتى زور. دەسەدە، ەلدەگى كەلەڭسىزدىكتىڭ قايتالانباسى ءۇشىن ءتۇبىرلى ساياسي وزگەرىستى كۇتكەن حالىقتىڭ تىلەگى ءالى جاۋاپسىز كۇيدە تۇر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى