ەكونوميكنىڭ قاجەتىنە وراي كارانتين شارالارى جەڭىلدەگەننەن كەيىن، الەمنىڭ كوپتەگەن ەلدەرىندە covid-19 ۆيرۋسىن جۇقتىرعاندار سانى كۇرت ءوسىپ شىعا كەلدى. ولاردىڭ قاتارىندا ەۋروپادان 11 مەملەكەتپەن بىرگە قازاقستاندى قامتىعان پوستكەڭەستىك ەلدەر كوبىرەك. قازىر دۇنيەجۇزىلكى دەنساۋلىق ساقتاۋ ۇيىمى قازاقستانداعى جاعدايدان الاڭداپ وتىر.

ۋكراينا، مولدوۆا، ارمەنيا، ءازىرجايجان، قىرعىزستان جانە قازاقستان سەكىلدى پوستكەڭەستىك ەلدەردە ىندەت جاعدايى كۇرت اۋىرلاپ كەتتى. ال، ەۋروپادا شۆەتسيا، سولتۇستىك ماكەدونيا، البانيا، بوسنيا، گەرتسەگوۆينا جانە كوسوۆا قاتارلى ەلدەر بار. ددۇ اتالعان ەلدەر شۇعىل شارا كورمەسە ەۋروپانىڭ دەنساۋلىق ساقتاۋ تارماقتارى قايتادان قاۋىپكە قالادى دەپ ەسكەرتتى.

كورىپ وتىرعاندارىڭىزداي، ىندەت بۇدان بۇرىن ەكونوميكالىق الەۋمەتتى ەلدەردە جويقىن اپات بولسا، ەندى ەكونوميكاسى كەنجەلەگەن ەلدەردىڭ القىمىنان الىپ جاتىر. قازاقستانداعى جاعداي ددۇ-نىڭ نازارىن اۋدارتارلىق دەڭگەيدە.

كارانتين شارالارى بوساي سالا ەلىمىزدەگى ىندەت جاعدايى اۋىرلاپ كەتتى. ءار اپتاسىنا ىندەت كورسەتكىشتەرىندە رەكوردتاردىڭ ورناپ جاتۋى قاۋىپسىزدىككە بايلانىستى قورقىنىشتاردى كۇشەيتتى. ونىڭ سەبەبى جايىندا ءتۇرلى جورامالدار ايتىلىپ، جازىلىپ، كورسەتىلىپ جاتىر. نە دەگەنمەن دە ەل ازاماتتارىنىڭ جەكەلەگەن جاۋاپكەرشىلىگى مەن تانىمىنا بارىپ تىرەلىپ وتىر.

“The Qazaq Times”