پرەزيدەنت قاسىم-جومارت توقاەۆ بۇگىن كەشكى ساعات 18:00-دە «حابار» تەلەارناسىندا بولاتىن پرەزيدەنتتىككە ۇمىتكەرلەر اراسىنداعى تەلەدەباتقا قاتىسپايتىن بولدى. بۇل جونىندە ونىڭ كەڭەسشىسى ەرلان قارين مالىمدەدى.
«پرەزيدەنت باسقا كانديداتتاردا كوپ مۇمكىندىك بولۋى كەرەك دەپ ەسەپتەيدى. وزگە ۇمىتكەرلەر دە ءوز ۇستانىمدارىن كەڭىنەن ناسيحاتتاپ، حالىققا تانىلسا دەيدى. ول ءادىل سايلاۋ وتكىزۋگە ۋادە بەرگەن. بۇل – ونىڭ نەگىزگى ۇستانىمى» - دەدى قارين.
ەرلان قاريننىڭ سوزىنشە، توقاەۆ سايلاۋ الدى شتابىنا تەلەدەباتقا ءبىر وكىل جىبەرۋدى تاپسىرعان. بىراق كەڭەسشى دەباتقا شتاب اتىنان وكىلدەردىڭ ناقتى باراتىنىن ايتقان جوق.
تەلەدەباتقا ءامىرجان قوسىنوۆ، جامبىل احمەتبەكوۆ، امانگەلدى تاسپيحوۆ، ءسادى-بەك تۇگەل جانە تولەۋتاي راحىمبەكوۆ قاتىسادى. ال «اق جول» پارتياسىنىڭ كانديداتى ءدانيا ەسپاەۆانىڭ ورنىنا پارتيا جەتەكشىسى ازات پەرۋاشەۆ قاتىسادى دەپ كۇتىلۋدە.
قازاقستاندا كەزەكتەن تىس پرەزيدەنت سايلاۋى ماۋسىم ايىنىڭ 9-ى كۇنى وتەدى. قازىرگى ۋاقىتتا كانديداتتار سايلاۋ الدى ۇگىت-ناسيحات جۇمىستارىن جۇرگىزۋدە. ول ماۋسىم ايىنىڭ 8-ىنە دەيىن جالعاسادى. 8-ءشى ماۋسىم – تىنىشتىق كۇنى. بۇل جولعى سايلاۋدىڭ باستى ەرەكشەلىگى وعان قازاقستاندى 29 جىل ۇزدىكسىز باسقارعان نۇرسۇلتان نازارباەۆ قاتىسپايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى