قىرعىز وقۋشىلارى قاۋىپتى عالامتور ويىنىمەن اۋەستەنۋدە

قىرعىزستاندا «48 ساعاتقا عايىپ بول» اتتى عالامتور ويىنى كەڭىنەن بەلەڭ الۋدا. كامەلەتتىك جاسقا تولماعان جاسوسپىرىمدەر اتا-اناسىنىڭ رۇقساتىنسىز ۇيىنەن قاشىپ، ەكى تاۋلىك ەشقانداي بايلانىسسىز تىعىلىپ وتىراتىنعا ۇقسايدى.

قىرعىزستان ىشكى ىستەر مينيسترلىگىنىڭ ءباسپاسوز قىزمەتى حابارلاعانداي، 2019 جىلدىڭ باسىنان بەرى كامەلەتتىك جاسقا تولماعان 99 ازاماتقا ىزدەۋ جاريالانعان. وسى ۋاقىتقا دەيىن ولاردىڭ 91- تابىلىپ، قالعان 8 بالا تۋرالى اقپارات ءالى كۇنگە دەيىن شىقپاعان. الايدا، قىرعىزستاننىڭ قۇزىرلى ورىندارى جاستاردىڭ جوعالۋىنا عالامتورلىق ويىننىڭ ەشقانداي قاتىسى جوق ەكەندىگىن ايتۋدا.

بىراق، قىرعىز مەكتەپتەرىندەگى اتا-انالار مەن بالالارعا جۇرگىزىلگەن پسيحولوگيالىق كەڭەستەردىڭ كوپتەپ وتۋىنە ءمان بەرسەك، وندا جاعدايدىڭ شىنىمەن دە قيىنداپ بارا جاتقاندىعىن اڭعارۋعا بولادى.

ەستەرىڭىزگە سالا كەتەيىك، وسىدان ءبىراز جىل بۇرىن «كوك كيت» اتتى ويىن تمد كولەمىندە كەڭىنەن تارالعان. ويىنعا كىرگەن وقۋشىلاردىڭ كوبى وزدەرىنە قول جۇمساپ، ءتۇرلى تاپسىرمالاردى بۇلجىتپاي ورىنداعان. كامەلەتتىك جاسقا تولماعان بالالارعا ازاپتى تاپسىرمالار بەرگەن ويىننىڭ اۆتورى رەسەيدەن ۇستالعان بولاتىن.

ال، «48 ساعاتقا عايىپ بول» ويىنى كىمنىڭ، نە ءۇشىن شىعارعاندىعى ازىرگە بەلگىسىز. بىراق، قىرعىزستاننىڭ قۇزىرلى ورىندارى مۇنىڭ ارى قاراي ءورشىپ كەتپەۋىنە توسقاۋىل قويامىز دەپ وتىر.

"The Qazaq Tımes"