اراب ەلدەرى كەدەندىك وداق قۇرماق

اراب ەلدەرى كەدەندىك وداق قۇرماق.

بەيرۋت قالاسىندا وتكەن اراب ەلدەرى ليگاسىنىڭ سامميتىندە ۇيىمعا مۇشە ەلدەر كەدەن وداعى مەن ەرەكىن ساۋدا ايماعىن قۇرۋعا بايلانىستى كەلىسىمگە كەلدى. اراب ەلدەرى ليگاسى باس حاتشىسىنىڭ ورىنباسىرى حۋسام زاكيدىڭ سوزىنشە، كەدەن وداعى اياسىندا بىرىگۋ ليگاعا مۇشە 20 مەملەكەتتىڭ ازىق-تۇلىك قاۋىپسىزدىگىن قامتاماسىز ەتەدى جانە ودان ارى تۇراقتى دامۋىنا سەپتىگىن تيگىزەدى.

بۇدان بولەك سامميت اياسىندا بىرىككەن اراب امىرلىكتەرى مەن ساۋد ارابياسى قوسىلىپ كريپتوۆاليۋتا جۇيەسىن جاساۋعا ۋاعدالاستى. ساراپشىلار پىكىرىنشە، بۇل ايماق ەكونوميكاسى ءۇشىن وتە ماڭىزدى كەلىسىم جانە الداعى ۋاقىتتا اتالمىش ۋاعدالاستىق ءوزىنىڭ وڭ ناتيجەسىن بەرەدى.

ەستەرىڭىزگە سالايىق، 2015 جىلى قازاقستان، بەلارۋس جانە رەسەي ەلدەرى (كەيىننەن قىرعىزستان مەن ارمەنيا قوسىلدى) ەۋرازيالىق ەكونوميكالىق وداق قۇرعان. ول كەزدە دە مەملەكەت باسشىلارى مەن بىرقاتار ساراپشىلار "ەۋرازيالىق وداقتىڭ قۇرىلۋى ايماق ەكونوميكاسىنىڭ دامۋىنا وڭ ىقپال ەتەتىن بولادى" - دەگەن بولجام ايتقان. بىراق ۋاقىت وتە وداقتىڭ پايداسىنان زيانى كوبىرەك ەكەندىگى بەلگىلى بولدى. باستاپقىدا ۇيىمعا مۇشە ەلدەر وداق اياسىندا تاۋار، كاپيتال جانە ەڭبەك كۇشى ەمىن-ەركىن جۇرەدى دەپ كەلىسكەنىمەن ءىس جۇزىندە بۇل كەلىسىمدەر ورىندالماي قالدى. رەسەي ءوز نارىعىنا قازاقستان مەن بەلارۋستەن باراتىن تاۋارلارعا ءتۇرلى سىلتاۋلارمەن شەكتاۋ قويىپ، قولدان كەدەرگى جاسادى. ونىڭ ۇستىنە سوڭعى جىلدارى رەسەيگە سالىنعان باتىس ەلدەرىنىڭ سانكتسيالارى ۇيىمعا مۇشە وزگە مەمدەكەتتەردىڭ ەكونوميكاسىنا كەرى اسەرىن تيگىزۋدە.

"The Qazaq Times"