عالىمدار ادام بويىنداعى بيوسالماقتان ءجۇز ەسە ارتىق ميكرواعزالاردى انىقتادى

Deep Carbon Observatory حالىقارالىق ۇيىمىنىڭ عالىمدار توبى بۇرىن قۇپيا بولعان ەكو جۇيەنى انىقتادى. سالماعى 15-23 ميلليارد تونناعا دەيىن جەتەتىن ميكرواعزالار ادام بويىنداعى بيوسالماقتان ءجۇز ەسە ارتىق.

سۋ استىنان 5 شاقىرىم تەرەڭدىكتى قازىپ، ليتوسفەرا قاباتىنداعى كومىرتەكتىڭ قۇرامىن زەرتتەۋگە ارنالعان سىناما، ەرەكشە قۇپياعا الىپ كەلدى. زەرتتەۋ قورىتىندىسى بويىنشا، سۋ استىنداعى ميكرواعزالاردىڭ قۇرامىنداعى 70 پايىز باكتەريالار جەر بەتىندە كەزدەسەدى ەكەن. سونىمەن قاتار، ولاردىڭ ساپاسى دا وتە جوعارى بولىپ وتىر.

كەيبىر ميكرواعزالار سۋ استىنداعى 2,5 شاقىرىم تەرەڭدىكتەن تابىلعان. ولار وزدەرىنىڭ ءومىر ءسۇرۋى ءۇشىن ەنەرگيانى كۇن نۇرىنان الىپ، ءتۇرلى شەكسىز زاتتارمەن توتىعادى. وسىنىڭ سالدارىنان مەتان بولەتىندىگى دە زەرتحاناداعى تاجىريبيە كەزىندە كورسەتىلگەن. مەتابوليزم ەنەرگياسى از قامتىلعان ايماقتا ءومىر سۇرگەندىكتەن، مەتانوگەندەر وزدەرىنىڭ كوپتەگەن كومپونەنتتەرىن كوبەيۋ نەمەسە بەلسەندى ءومىر سۇرۋگە ەمەس جاسۋشالارىن قالپىنا كەلتىرۋە جۇمسايدى ەكەن.

زەرتتەۋدىڭ العاشقى قورىتىندىسى بويىنشا، سۋ استىنداعى باكتەريالار شامامەن ەكى ميلليارد كۋب شاقىرىمدى قۇراپ وتىر. الايدا، وزدەرىنىڭ اشقان جاڭالىعىن ارى قاراي زەرتتەۋگە كىرىسكەن عالىمدار، بولاشاقتا ناقتى سانىن جاريالايتىندىعىن جەتكىزدى.

"The Qazaq Times"