الماتى قالاسىنىڭ اكىمى باۋىرجان بايبەك. فوتو: Forbes.kz

الماتىدا ۇرلانعان ۇيالى تەلەفوندار قىرعىزستان مەن تاجىكستانعا جونەلتىلەدى.

قىركۇيەك ايىنىڭ 25-ءى كۇنى الماتى قالاسىنىڭ اكىمى باۋىرجان بايبەك ۇكىمەت وتىرىسىندا شاھارداعى قىلمىسپەن كۇرەس ماسەلەسى جونىندە مالىمدەمە جاسادى. باۋىرجان مىرزانىڭ سوزىنشە، الماتى قالاسىندا ۇرلانعان ۇيالى تەلەفونداردىڭ باسىم كوپشىلىگى قىرعىزستان مەن تاجىكستانعا جونىلتىلەدى. سول سەبەپتى قىلمىستى اشۋ جۇمىستارى وتە باياۋ جۇرگىزىلۋدە. سوڭعى ون جىلدا قازاقستان بويىنشا تىركەلگەن قىلمىستىق ىستەردىڭ 20 پايىزى ءدال وسى الماتى قالاسىنا تيەسىلى.

ايتا كەتەتىن ءبىر جايت، جاقىندا «Numbeo» حالىقارالىق ورتالىعى الماتىنى الەمدەگى ءومىر سۇرۋگە ەڭ قاۋىپتى قالالاردىڭ تىزىمىنە ەنگىزگەن. 327 قالا ەنگىن رەيتينگتە الماتى قالاسى 2018 جىلدىڭ قورىتىندىسى بويىنشا 112 ورىندا.

ەستەرىڭىزگە سالايىق، تامىز ايىنىڭ 19-ى كۇنى الماتى قالاسىنىڭ ورتالىق كوشەلەرىنىڭ بىرىندە تانىمال مانەردەپ سىرعاناۋشى دەنيس تەنگە قاراقشىلىق شابۋىل جاسالىپ، الەمگە تانىمال سپورتشى پىشاق جاراقاتىنان كوز جۇمعان. وسىدان كەيىن الماتى قالاسىنىڭ ءىىد مەن قر ءىىم قوعام تاراپىنان ۇلكەن سىنعا قالعان. ازاماتتىق بەلسەندىلەر مەن جۋرناليستەر ىشكى ىستەر ءمينيسترى قالمۇحانبەت قاسىموۆتىڭ وتستاۆكاعا كەتۋىن جانە ءىىم تۇبەگەيلى رەفورمالاۋدى تالاپ ەتكەن. بىراق قاسىموۆ مىرزانىڭ ءوزى حالىقتىڭ بۇل تالابىنا: «ۇكىمەت پەن پرەزيدەنت قالاي شەشەدى، ءبىز سوعان كونەمىز» دەپ جاۋاپ بەرگەن.

"The Qazaq Times"