فوتو: De-Facto

رەسەي پرەزيدەنتى ۆلاديمير پۋتين جوعارى لاۋازىمدى مەملەكەتتىك قىزمەتكەرلەردىڭ جالاقىسىن 10 پايىزعا تومەندەتۋ تۋرالى جارلىققا قول قويدى. قۇجات رەسمي اقپاراتتىق پورتالدا جاريالانعان. 

جالاقىسى تومەن بولاتىن شەندىلەر - پرەزيدەنت، پرەمەر-مينيستر، ۆيتسە-پرەمەرلەر، مينيسترلەر،  سونداي-اق باس پروكۋرور، تەرگەۋ كوميتەتىنىڭ جانە ورتالىق سايلاۋ كوميسسياسىنىڭ باسشىلارى. سونداي-اق، جارلىق بويىنشا پرەزيدەنت اكىمشىلىگى مەن رەسەي ۇكىمەتى اپپاراتى قىزمەتكەرلەرىنىڭ دە جالاقىسى تومەندەيدى.

مەملەكەتتىك قىزمەتكەرلەردىڭ جالاقىسىن قىسقارتۋ تۋرالى قۇجاتقا 2015 جىلدىڭ اقپانىندا قول قويىلىپ، 2015 جىلدىڭ 1 ناۋرىزىنان باستاپ كۇشىنە ەنگەن. كەيىنىرەك ۆلاديمير پۋتين بۇل جارلىقتى بىرنەشە رەت ۇزارتتى.

پرەزيدەنت كىرىسى تۋرالى دەكلاراتسياعا سايكەس، ۆلاديمير ءپۋتيننىڭ جالاقىسى 2016 جىلى شامامەن 8,86 ميلليون رۋبلگە جەتكەن. 2016 جىلى كرەملدەگى لاۋازىمدى تۇلعالاردىڭ اراسىندا رەسەي پرەزيدەنتى اكىمشىلىگىنىڭ ءبىرىنشى ورىنباسارى سەرگەي كيريەنكونىڭ تابىسى كوپ بولعان: دەكلاراتسيا بويىنشا ونىڭ جالاقىسى 85,5 ميلليون ءرۋبلدى قۇرادى. رەسەي پرەمەر-ءمينيسترى دميتري مەدۆەدەۆ 2016 جىلى 8,586 ميلليون رۋبل جالاقى السا، ءباسپاسوز حاتشىسى جانە پرەزيدەنت اكىمشىلىگى باسشىسىنىڭ ورىنباسارى دميتري پەسكوۆتىڭ تابىسى 12,6 ميلليون رۋبل بولعان.

“The Qazaq Times”