فوتو: m.forbes.kz

2017 جىلعى 3-توقساننىڭ قورىتىندىسى بويىنشا ۇلتتىق بانك ەكىنشى دەڭگەيلى بانكتەر مەن بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اسا ءجيى جول بەرەتىن قۇقىق بۇزۋشىلىقتارعا مونيتورينگ پەن تالداۋ جۇرگىزدى. بۇل تۋرالى بانكتىڭ رەسمي سايتىندا جازىلدى. 

ەسەپتى كەزەڭدە انىقتالعان بۇزۋشىلىقتاردىڭ قورىتىندىسى بويىنشا 3 بانككە ايىپپۇلدار سالۋ جانە ءوندىرىپ الۋ تۇرىندە سانكتسيالار قولدانىلسا، 11 بانككە قاتىستى 14 شەكتەۋلى ىقپال ەتۋ شاراسى، ونىڭ ىشىندە 12 جازباشا
ۇيىعارىم جانە 2 جازباشا ەسكەرتۋ قولدانىلدى.

جۇرگىزىلگەن تالداۋدىڭ ناتيجەلەرى بويىنشا ەسەپتى كەزەڭدە قۇقىق بۇزۋشىلىقتار:
- جەكە تۇلعانىڭ بانك شوتىنداعى اقشا سوماسىنىڭ جانە بانك شوتىنا تۇسكەن
سومانىڭ 50%-ى شەگىندەگى تولەم تالاپتارىن ورىنداۋ كەزىندە بانكتىڭ شەكتەۋلەردى ساقتاماۋىندا;
- بانكتىك قارىز شارتىنا قىزمەت كورسەتۋ كەزەڭىندە قارىز الۋشىنىڭ سۇراتۋى
بويىنشا اقپارات ۇسىنۋ مەرزىمدەرىندە;
- بەرىلگەن كرەديت جونىندەگى قۇجاتتامانى جۇرگىزۋدىڭ كرەديتتەۋ جونىندەگى
قۇجاتتامانى جۇرگىزۋ ەرەجەسىندە كوزدەلگەن تارتىپتە;
- قارىز الۋشىنىڭ بورىشتىق جۇكتەمەسى كوەففيتسيەنتىنىڭ ەڭ جوعارى دەڭگەيىنەن اسىپ كەتكەن كەزدە بانكتىڭ تۇتىنۋشىلىق قارىزدى زاڭسىز بەرۋىندە كورىنىس تاپقان.

سونداي-اق:
- بانكتىڭ كليەنتتىڭ بانكتىك شوتىنا نەگىزسىز تىيىم سالۋدا;
- كرەديتتىك بيۋروعا دايەكسىز مالىمەتتەر بەرۋدە;
- زاڭنامانىڭ تاۋەكەلدەردى باسقارۋ جانە ىشكى باقىلاۋ جۇيەلەرىنىڭ بولۋىنا
قويىلاتىن تالاپتارىن بانك بولىمشەلەرىنىڭ ىشكى قاعيدالار مەن راسىمدەر تالاپتارىنىڭ ورىندالۋىن ساقتاۋدى ءتيىستى تۇردە باقىلاۋدىڭ بولماۋى بولىگىندە بانكتىڭ ساقتاماۋىندا;
- قۇجاتتامالىق تەكسەرۋ شەڭبەرىندە بانكتەردىڭ ۇلتتىق بانك سۇراتقان قۇجاتتار مەن تۇسىندىرمەلەردى بەرمەۋىندە، سونداي-اق ۋاقتىلى بەرمەۋىندە
قۇقىق ۇزۋشىلىقتارعا جول بەرىلگەن.

“The Qazaq Times”