فرج پايىزدىق مولشەرلەمەنى وزگەرىسسىز قالدىردى

اقش-تىڭ فەدەرالدى رەزەرۆتىك جۇيەسىنىڭ اشىق نارىق وپەراتسيالارى جونىندەگى كوميتەتى 20 قىركۇيەكتە بازالىق پايىزدىق مولشەرلەمەنى 1-1,25% دەڭگەيىندە وزگەرىسسىز قالدىردى. بۇل تۋرالى RNS اگەنتتىگى حابارلادى. 

"ەڭبەك نارىعى مەن ينفلياتسيا جاعدايىنا بايلانىستى كوميتەت فرج بازالىق مولشەرلەمەسىنىڭ ماقساتتى ينتەرۆالىن 1-1.25% دەڭگەيىندە ساقتاۋ تۋرالى شەشىم قابىلدادى. اقشا-كرەديت ساياساتى تۋرالى ۇستانىم قالىپتى بولىپ قالا بەرەدى، بۇل ەڭبەك نارىعىنداعى وڭ ۇردىستەردى قولدايدى جانە ينفلياتسيانىڭ 2% دەڭگەيىنە تۇسۋىنە مۇمكىندىك بەرەدى", - دەلىنگەن فرج حابارلاماسىندا.

ايتا كەتەيىك، بۇعان دەيىن ناۋرىز ايىندا فرج مولشەرلەمە 2017 جىلى 0,25 پايىزدىق دەڭگەي بويىنشا ءۇش رەت كوتەرىلۋى مۇمكىن ەكەنىن ايتقان. قارجى ۇيىمى وسىلايشا مولشەرلەمەنى ناۋرىز ايىندا 1,25 پايىزدىق پۋنكتى بويىنشا 0,5−0,75%-دان 0,75−1%-عا دەيىن، ماۋسىمدا 1−1,25%-عا دەيىن كوتەرىپ، شىلدەدە وسى دەڭگەيدە قالدىرعان بولاتىن.

فرج-نىڭ پايىزدىق مولشەرلەمەنى كوتەرۋى تەك امەريكا ەكونوميكاسىنا عانا ەمەس، نارىقتا دوللار ەكۆيۆالەنتىن قولداناتىن بارلىق ەلدەرگە ىقپال ەتەدى. مىسالى قازاقستاندا فرج ستاۆكاسىنىڭ كوتەرىلۋى ينفلياتسيانىڭ جوعارىلاۋىنا جانە تەڭگەنىڭ السىرەۋىنە اسەرىن تيگىزەدى.

“The Qazaq Times”