اقش پرەزيدەنتى دونالد ترامپ قىتايمەن ساۋدا سوعىسىندا باسىمدىققا قول جەتكىزۋ ءۇشىن فەدەرالدىق رەزەرۆ جۇيەسىن دە قولداۋ كورسەتۋگە شاقىردى. ول ءوزىنىڭ الەۋمەتتىك جەلىدەگى پاراقشاسىندا فەدەرالدىق رەزەرۆ جۇيەسى ەل ەكونوميكاسىنىڭ تۇراقتى وسۋىنە جەبەۋشى بولۋ كەرەكتىگىن ايتتى.

فەدەرالدىق رەزەرۆ جۇيەسى اقش-تىڭ ۇلتتىق بانكى دەۋگە بولادى. ترامپ بۇل جۇيە ارقىلى ەكونوميكالىق ءوسىمدى قامتاماسىز ەتۋدى قالايدى. ول ءوزىنىڭ مالىمدەمەسىندە ساۋدا سوعىسىنداعى قارسىلاسى قىتاي دا وسى قادامعا بارا دەپ بولجادى.

«قىتاي ۇكىمەتى ءوز بيزنەسمەندەرىنىڭ شىعىنىن بۇل جۇيەدەن قارجى اۋدارىپ، نەسيەلەردىڭ پايىزىن تومەندەتەدى دەپ ويلايمىن. فەدەرالدىق رەزەرۆ جۇيەسى دە قىتاي سەكىلدى قادام جاساسا، وندا ءبىز جەڭەمىز. قىتاي قالاي دا كەلىسىمگە قول قويادى»، – دەدى ترامپ ءوزىنىڭ «تۆيتتەر» پاراقشاسىندا.

اقش فەدەرالدىق رەزەرۆ جۇيەسى ترامپتىڭ اق ۇيدەگى بيلىككە كەلگەننەن بەرگى ەڭ از سىناعان سالاسى. سەبەبى، ول ءوزىنىڭ جوسپارلارىنا قولداۋ كورسەتۋى ءۇشىن اتالعان مەكەمەنىڭ جۇمىسىنا سىن تاعىپ، شامىنا تيۋدەن اۋلاق بولعىسى كەلەدى.

“The Qazaq Times”