دونالد ترامپ امەريكاداعى قارجىلىق رەتتەۋشى ورىنداردى قاتاڭ سىنعا الىپ، پايىزدىق مولشەرلەمەلەردىڭ شامادىن تىس ارتۋىنا قارسىلىق بىلدىرگەن بولاتىن. بىراق، پرەزيدەنتتىڭ سىنىنا قاراماستان، اقش-تىڭ فەدەرالدى قور جۇيەسى پايىزدىق مولشەرلەمەلەردى كوتەرۋ ساياساتىن جالعاستىرادى. بۇل تۋرالى قور باسشىسى دجەروم پاۋەلل مالىمدەدى.

اقش پرەزيدەنتى پايىزداردىڭ تومەندەيتىنىنە نەمەسە ءوز قالپىن وزگەرىسسىز ساقتاپ قالاتىنىنا سەنىمدى بولعان. دەگەنمەن، فەدەرالدى قور جۇيەسى ساياسي قىسىمعا قاراماستان، مولشەرلەمەنىڭ ارتۋىنا بايلانىستى ءىستىڭ جۇزەگە اساتىنىن ايتقان.

ترامپقا قارسى شىققان پاۋەللدىڭ ويىنشا، كەزەكتى جوبا ينفلياتسيانى 2% دەڭگەيدە ساقتايدى. سونداي-اق، اقش ەكونوميكاسىنىڭ قالپىنا كەلۋى مەن جۇمىس ورىندارىنىڭ كوبەيۋىنە سەپتىگىن تيگىزەدى. ەگەر قۇراما شتاتتاعى كومپانيالار ءوندىرىسى قارقىندى دامىسا، ەكونوميكانىڭ ونىمدىلىگى دە ارتا تۇسپەك.

"The Qazaq Times"