فوتو: astanafm.kz

حالىقارالىق ەكسپو-2017  كورمەسى ايماعىندا ەنەرگەتيكا ءمينيسترى ق.بوزىمباەۆ، استانا قالاسىنىڭ اكىمى ءا. يسەكەشەۆ، الماتى وبلىسىنىڭ اكىمى ا.باتالوۆ، «وكم وپەراتورى» جشس باس ديرەكتورى س.كوروتەنكو، قازاقستاننىڭ   ەكولوگيالىق  ۇيىمدارى  قاۋىمداستىعىنىڭ باسقارما توراعاسى ا.ماحمەتوۆ قاتىسۋىمەن «Forsite» كەزدەسۋى ءوتتى.

كەزدەسۋدىڭ باستى ماقساتى - ۇزدىك الەمدىك تاجىريبەنى  نەگىزگە الا وتىرىپ، زاماناۋي   تەحنولوگيانى پايدالانۋ ارقىلى قالدىقتاردى  باسقارۋدىڭ ايماقتىق  يننوۆاتسيالىق  جۇيەسىن  قۇرۋ.

«Forsite» كەزدەسۋىنە حالىقارالىق، مەملەكەتتىك جانە ۇكىمەتتىك ەمەس ۇيىمدار شاقىرىلىپ،  قاتىسۋشىلار قوعامنىڭ ەكولوگيالىق مادەنيەتىن ارتتىرۋدا يدەولوگيالىق جۇمىس جۇرگىزۋ ماسەلەسىن بىرلەسە تالقىلادى. اتاپ ايتقاندا بالالار،  جاستار جانە ەرەسەكتەر اراسىندا ەكولوگيالىق ءبىلىمدى كوتەرۋ ماسەلەسى قوزعالدى.

كەزدەسۋ  بارىسىندا قر ەنەرگەتيكا مينيسترلىگى، استانا قالاسىنىڭ جانە الماتى وبلىسىنىڭ  اكىمدىگى، «وكم وپەراتورى» مەن قازاقستاننىڭ ەكولوگيالىق ۇيىمدارى قاۋىمداستىعى قالدىقتاردى  قايتا  وڭدەۋدىڭ  تەتىگىن، سونىڭ  ىشىندە  جەكە  جانە  زاڭدى  تۇلعالاردىڭ قتق بولەك جيناۋ جۇيەسىن ەنگىزۋدەگى ماڭىزدى ماسەلەنى بىرلەسە شەشۋگە ارنالعان ۇزاق مەرزىمدى ارىپتەستىك جونىندە مەموراندۋمعا  قول قويدى.

شارا اياسىندا قازاقستاننىڭ ەكولوگيالىق ۇيىمدارى قاۋىمداستىعىنىڭ قۇرىلعاندىعى رەسمي تۇردە مالىمدەلىپ،  قاۋىمداستىقتىڭ «دەنساۋلىق ءۇشىن", "بالامنىڭ بولاشاعى ءۇشىن", "مەن جاسىل قازاقستان ءۇشىن» اتتى العاشقى جوبالارى تانىستىرىلدى.

“The Qazaq Times”