باۋىرجان بايبەك الماتىداعى ەسكى ۇيلەردەن قۇتىلماق

الماتى اكىمى باۋىرجان بايبەك 2017-2024 جىلدارى ءسۇرىلۋى ءتيىس ەسكى ۇيلەرگە قاتىستى جاسالعان جاڭا باعدارلاما بويىنشا كەڭەس وتكىزدى، دەپ حابارلايدى قالا اكىمدىگىنىڭ ءباسپاسوز قىزمەتى. باعدارلاما اياسىندا قالا اۋماعىنداعى 1034 ەسكى قۇرىلىس قايتا جاڭارتىلماق. 

ءباسپاسوز قىزمەتىنىڭ مالىمەتىنشە، باۋىرجان بايبەككە وسى باعدارلاما ىسكە اسقاندا 10 مىڭ الماتىلىق وتباسىنىڭ تۇرعىن ءۇي جاعدايى جاقساراتىنى ايتىلعان.

سونداي-اق، قولجەتىمدى باعا بويىنشا قوسىمشا 30 مىڭنان استام پاتەر سالىنادى، قالا تۇرعىندارى جاڭا الەۋمەتتىك نىساندارمەن، مەكتەپتەرمەن، بالا باقشالارمەن، ەمحانالارمەن، جاڭارتىلعان ينجەنەرلىك كوممۋنيكاتسيالارمەن، اباتتاندىرىعان اۋماقتارمەن جانە باسقالارىمەن قامتاماسىز ەتىلمە. كول ءۇشىن تاياۋداعى جەتى جىل ىشىندە قالا ەكونوميكاسىنا جالپى كولەمى 400 ملرد تەڭگە جەكە ينۆەستيتسيا تارتىلىپ، 70 مىڭنان استام جۇمىس ورنى قۇرىلادى.

«ءبىزدىڭ باستى ماقساتىمىز - تۇرعىن ۇيلەردى جاڭارتىپ قانا قويماي، ونىڭ باعاسىن تومەندەتۋ، جاڭا جۇمىس ورىندارىن اشىپ، ينۆەستيتسيا تارتۋ. مەملەكەت باسشىسى تەك «نۇرلى جەر» باعدارلاماسى بويىنشا عانا ەمەس، سونىمەن قاتار بيۋدجەتتەن تىس قارجى ەسەبىنەن دە قۇرىلىس سالۋدى تاپسىردى. ءبىزدىڭ قالادا بۇل ءۇشىن بارلىق جاعدايلار بار، وسى باعىتتاعى جۇمىستاردى ودان ءارى جالعاستىراتىن بولامىز»، - دەدى باۋىرجان بايبەك.

قالا باسشىسى ەسكى ۇيلەردى جاڭارتامىز دەگەنمەن، ونىڭ ساپاسى قانداي بولارى بەلگىسىز. سەبەبى قازىرگى ۋاقىتتا الماتىدا سالىنىپ جاتقان جاڭا ۇيلەردىڭ ساپاسى ەسكى ۇيلەردەن دە تومەن ەكەنى بەلگىلى. وعان العاباس اۋدانىنىنداعى قۇلاعالى تۇرعان كوپقاباتتى تۇرعىن ءۇي مەن جاڭبىر جاۋسا بولدى توبەسىنەن سۋ تامشىلايتىن جاڭا ۇيلەر دالەل.

“The Qazaq Times”