بۇگىن، 15 ماۋسىمدا الماتى قالاسى اۋەزوۆ اۋداندىق №2 سوتىندا"نۇر وتان" پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ وپپوزيتسيا بەلسەندىسى جانبولات ماماي مەن ونىڭ ايەلى ينگا يمانبايدىڭ ۇستىنەن تۇسىرگەن شاعىمى بويىنشا سوت شەشىمى وقىلدى. سوت ايىپتالۋشى تاراپ – جانبولات ماماي مەن ينگا يمانبايدى باۋىرجان بايبەك جايلى دايىنداعان جۋرناليستىك زەرتتەۋىن وشىرۋگە مىندەتتەدى. 

ماماي سوت شەشىمىمەن كەلىسپەيتىنىن ايتتى.

جانبولات ماماي ساۋىردە Youtube-تەگى "دەموكراتيالى قازاقستان/دەموكراتيچەسكي كازاحستان" ارناسىندا "باۋىرجان بايبەك: نازارباەۆ سىنىپتاسى بالاسىنىڭ جەمقور بيزنەس-يمپەرياسى" اتتى زەرتتەۋ جاريالاعان. ول زەرتتەۋدە جانبولات ماماي الماتىنىڭ بۇرىنعى اكىمى باۋىرجان بايبەكتى "مەملەكەتتىك قىزمەتتە ءجۇرىپ ۇلكەن بيزنەس-يمپەريا قۇردى", "الماتى اكىمى بولعان 4 جىلدا 1 ميلليارد دوللار زاڭسىز اقشا تاپتى", "قۇرىلىسقا جانە كولىك تۇراعىنا" قالا اۋماعىنىڭ جانە ىلە-الاتاۋ ۇلتتىق پاركىنىڭ "جەرىن بەردى", "پارا الدى", "كومىر مافياسىن قۇردى" جانە الماتىداعى جەس-2-ءنى "گازعا كوشىرۋدى كەشەۋىلدەتتى", "ادام قۇقىقتارىن بۇزدى" دەپ ايىپتاعان.

"The Qazaq Times"