فوتو: bigmir.net

يتاليادا ۆەزۋۆي جانارتاۋى «وياندى». ءورت سوندىرۋشىلەر وتريادى ورماندى شالعان وتتىڭ كەڭ اۋماققا تارالۋىنا بارىنشا كەدەرگى كەلتىرۋگە كۇش سالعانىمەن، بەت شارپىعان الاۋدى اۋىزدىقتاۋ ازىرگە مۇمكىن بولماي وتىر دەپ حابارلايدى Corriere della Sera باسپاسى.

جانارتاۋعا جاقىن ورنالاسقان نەاپولدە جاپپاي ەۆاكۋاتسيالاۋ جۇمىستارى جۇرگىزىلىپ جاتىر. وسى ماڭايداعى 5 اۋداندىق قالا تۇرعىندارى مەن تۋريستەر جانارتاۋدان جاپا شەكپەس ءۇشىن «قاشىپ قۇتىلعان». ءدال وسى باسپا ورمان ورتىنە جانارتاۋدىڭ قاتىسى بولماۋى مۇمكىن دەپ توپشىلايدى. ويتكەنى 2016 جىلى تاۋ بوكتەرىندە ورنالاسقان 200 گا ورمان جانارتاۋدىڭ قاتىسىنسىز، قولدان ورتەلگەن بولاتىن.

ۆەزۋۆي – يتاليانىڭ وڭتۇستىگىندە، نەاپول قالاسىنان 15 كم قاشىقتىقتا ورنالاسقان «بەلسەندى جانارتاۋ». بۇل جانارتاۋعا كوتەرىلۋ – تانىمال تۋريستىك باعىتتاردىڭ ءبىرى. تەڭىز دەڭگەيىنەن 1 مىڭ مەتر بيىكتىككە دەيىن تۋريستەردى اۆتوبۋس الىپ بارادى، ارى قاراي 200 مەتر جاياۋ كوتەرىلەسىز. كراتەردىڭ ءوزى ەرەكشە ادەمى بولماعانىمەن، بۇل جەردەن نەاپول مەن شىعاناقتىڭ كەرەمەت كورىنىسىن تاماشالاۋعا بولادى.

اتاپ ءوتۋ كەرەك، ءبىزدىڭ زامانىمىزدىڭ 79 جىلى، اتالعان جانارتاۋدىڭ اتقىلاۋى اسەرىنەن، پومپەيا، گەركۋلانۋم جانە ستابيا قالالارى جەر بەتىنەن جويىلىپ كەتكەن.

“The Qazaq Times”