تسۋناميدەن زارداپ شەككەن پاتنە جاعالاۋى. فوتو: VOA

وتكەن جۇمادا يندونەزيانىڭ سۋندا بۇعازىندا بولعان تسۋناميدەن 300-گە جۋىق ادام قازا تاۋىپ، 745 ادام زارداپ شەكتى.

ەلدەگى توتەنشە جاعدايلار دەپارتامەنتىنىڭ مالىمەتىنە قاراعاندا، تسۋنامي سۋماترا مەن جاۆا ارالدارىنىڭ اراسىندا سۋندا بۇعازىندا بولعان. پانتە قالاسى تسۋناميدەن ەڭ اۋىر زارداپ شەككەن. 500-گە جۋىق تۇرعىن ءۇي قيراعان.

تەكسەرۋ قورىتىندىسى كورسەتكەندەي، تەڭىزدىڭ الىپ تولقىنى اناك كراتاۋ اتتى جانارتاۋدىڭ اتىلۋىنان پايدا بولعان. اتالعان جانارتاۋدىڭ بەلسەندىلىگىنە بايلانىستى وڭىردە قىركۇيەكتەن باستاپ توتەنشە جاعداي جاريالانعان بولاتىن.

28 قىركۇيەكتە پالۋ شىعاناعىنا جاقىن ارالداردا 7,5 بالل جەر سىلكىنىسى بولىپ، 2 مىڭ 500 ادام ادام قازا تاۋىپ، 500-دەن استام ادام ءىز-ءتۇسسىز جوعالعان ەدى. سول رەتكى اپاتتا 70 مىڭعا جۋىق ادام باسپاناسىنان ايىرىلعان.

2004 جىلى 26 جەلتوقساندا ءۇندى مۇحيتىنداعى جەر سىلكىنىسى مۇحيتقا شەكتەسكەن 13 ەلدەن 226 مىڭ ادامنىڭ جانىن جالمادى. سونىڭ 120 مىڭى يندونەزيالىق بولعان ەدى.

“The Qazaq Times”