"شىعىستىڭ مارجانىنا" اينالعان تۇرىكمەنستان اۋەجايى

2016 جىلدىڭ 17 قىركۇيەگىندە تۇرىكمەنستاننىڭ استاناسى اشحابات قالاسىندا ەل باسشىسىنىڭ قاتىسۋىمەن جاڭادان اشىلعان حالىقارالىق اۋەجايدىڭ تۇساۋ كەسەر سالتاناتى وتكەن بولاتىن.

جاقىندا عانا اشىلعانىنا قاراماستان، بۇل قۇرىلىس نىسانى بۇگىندە «شىعىستىڭ مارجانى» دەگەن اتقا يە بولىپ، ەڭ ادەمى اۋەجاي رەتىندە گيننەستەر رەكوردى كىتابىنا ەنگەن.

قاناتتارىن كەڭگە جايعان سۇڭقاردىڭ بەينەسىندە جاسالعان 5 قاباتتى اۋەجاي 192 مىڭ شارشى مەتر ايماقتى الىپ جاتىر. بۇل جەردە نەگىزگى تەرمينالدار ورنالاستىرىلعان.

اۋەجايدىڭ بارلىق كومپلەكسى 1200 گەكتار جەردە ورنالاسقان. ەرەكشە ديزايندا جاسالعان تەرمينال مەن ارقايسىسى 3800 مەتر بولاتىن ۇشۋ جولاعىنان تۇرادى.

اۋەجايدان شىعا سالىسىمەن الدىندا ونداعان فونتانداردان قۇرالعان تاعى ءبىر ارحيتەكتۋارلىق تۋىندىنى كورۋگە بولادى.

"شىعىستىڭ كەرەمەتىنىڭ" ەكى تەرمينالى ساعاتىنا ەكى مىڭ ادامعا دەيىن قىزمەت كورسەتە الادى.

بيىكتەن قاراعاندا كەرەمەت بەينەگە ەنەتىن بۇل اۋەجايدىڭ قۇرىلىسىنا 2 ميلليارد دوللار قارجى جۇمسالعان ەكەن. بىراق بۇل قارجى ءوزىن تولىقتاي اقتادى دەپ سەنىمدى تۇردە ايتۋعا بولادى.

"The Qazaq Times"