استاناداعى حالىقارالىق اۋەجايدا وق اتىلدى

استاناداعى «نۇرسۇلتان نازارباەۆ» حالىقارالىق اۋەجايىندا وق اتىلعانى تۋرالى اقپارات تارادى.

حالىقارالىق اۋەجايدا وق اتىلعانىن كولىكتەگى پوليتسيا دەپارتامەنتىنىڭ ءباسپاسوز قىزمەتى راستادى. پوليتسيا دەپارتامەنتىنىڭ ءباسپاسوز قىزمەتى: «اتالعان فاكت قر قىلمىستىق كودەكسىنىڭ 114-بابى 3-بولىگى بويىنشا (دەنساۋلىققا ابايسىزدا جاراقات كەلتىرۋ) نۇر-سۇلتان قالاسىنداعى اۋەجايدىڭ پوليتسيا جەلىلىك ءبولىمىنىڭ تەرگەۋ بويىنشا بىرىڭعاي رەەسترىنە تىركەلدى. تەرگەۋ ءجۇرىپ جاتىر»، – دەپ حابارلادى.

الەۋمەتتىك جەلىلەردە «3 جەلتوقساندا «نۇرسۇلتان نازارباەۆ» حالىقارالىق اۋەجايىنىڭ ۇشۋ ساپارلارىن ورتتەن جانە اپاتتان قۇتقارۋدى قامتاماسىز ەتۋ قىزمەتىنىڭ عيماراتىندا اۆياتسيالىق قاۋىپسىزدىك قىزمەتى ينسپەكتورى قارۋ تەكسەرىپ جاتقاندا قارۋ وزدىگىنەن اتىلىپ كەتىپ، ءۇش ينسپەكتور جاراقات الدى» دەلىنگەن.

"The Qazaq Times"