بۇگىن «الاتاۋ» ءداستۇرلى ونەر تەاترىندا 1-ماۋسىم حالىقارالىق بالالار كۇنىنە ارنالعان «بالالارعا كۇلكى سىيلايمىز!» اتتى ءىس-شارا ءوتىپ، تەاتردىڭ كينوزالىندا مۋلتيپليكاتسيالىق ءفيلمنىڭ قايىرىمدىلىق كورسەتىلىمى بولدى. بۇل تۋرالى تەاتردىڭ ءباسپاسوز قىزمەتى حابارلادى.

 شاراعا الماتى قالاسى رەسپۋبليكالىق دوستىق ءۇيى جۇمىسىن قامتاماسىز ەتۋ قىزمەتى، «الاتاۋ» ءداستۇرلى ونەر تەاترى، الماتى قالاسى رەسپۋبليكالىق ەتنومادەني بىرلەستىكتەرى ۇيىمداستىرعان ءىس-شاراعا قحا توراعاسىنىڭ ورىنباسارى حامەدوۆ ا.م.، قحا مۇشەلەرى، رەسپۋبليكالىق ەتنومادەني بىرلەستىكتەردىڭ جەتەكشىلەرى مەن مۇشەلەرى، ەمب جاستارى، «ءۇمىت» بالالار ءۇيىنىڭ تاربيەلەنۋشىلەرى، №9 مامانداندىرىلعان (تۇزەتۋ) مەكتەپ-ينتەرناتىنىڭ تاربيەلەنۋشىلەرى،  پسيحونەۆرولوگيالىق اۋرۋلارعا شالدىققان مۇگەدەك بالالاردى بەيىمدەۋ ورتالىعىنىڭ بۇلدىرشىندەرى، «ساليقالى ۇرپاق» پانسيوناتىنىڭ تاربيەلەنۋشىلەرى،  رەسپۋبليكالىق ەتنومادەني بىرلەستىكتەردىڭ بالالارى قاتىستى.

بالالارعا كوتەرىڭكى كوڭىل-كۇي سىيلاۋ ماقساتىندا توسىن سىيلار مەن تاتتىلەر تاراتىلىپ، «كوڭىلدى مەكەن – بالالىق» اتتى اسفالت بەتىنە سالىنعان سۋرەتتەر سايىسى ۇيىمداستىرىلدى.

مۇمكىندىگى شەكتەۋلى جاندارعا، بالالار مەن قارتتارعا ارناپ ۇنەمى قايىرىمدىلىق كورسەتىلىمدەر  ۇيىمداستىراتىن تەاتر ءۇجىمى بۇگىن تاعى ءبىر ءىستىڭ باسىن قايىردى. وسىنداي كوڭىلدى ءوسىرىپ، جۇرەككە شاتتىق سىيلاتىن شارالار الداعى ۋاقىتتا دا جالعاسىن تاپپاق.

“The Qazaq Times”