پۋتينگە ءتىل تيگىزگەن جۋرناليست جۇمىسىنان ايىرىلۋى مۇمكىن

Fox News تەلەارناسى بيلل و'رەيليدى رەسەي پرەزيدەنتى ۆلاديمير پۋتينگە ءتىل تيگىزىپ,  "قانىشەر" دەپ اتاعانى ءۇشىن جۇمىستان شىعارۋى مۇمكىن. بۇل تۋرالى The Wall Street Journal حابارلادى. 

جۋرنالداعى جازىلعان اقپاراتقا سايكەس، جۋرناليست جەكە تۇلعاعا ءتىل تيگىزىپ، ونىڭ ار-نامىسىن سىيلاماعانى ءۇشىن جۇمىسىنان ايىرىلۋى مۇمكىن. ال ءساۋىردىڭ باسىندا  Fox News و'رەيليدىڭ بۇل ەرسى قىلىعىنا شاعىمدانعان بەس ايەلگە 13 ميلليون دوللار ايىپپۇل تولەگەن ەدى. وسىدان كەيىن امەريكالىق قوعام بەلسەندىلەرى ءجۋرناليستى جۇمىستان شىعارۋىن تالاپ ەتكەن. ال 11 ساۋىردەن باستاپ بيلل و'رەيلي ەفيرگە شىقپاعان.

اقپان ايىندا بيلل اقش پرەزيدەنتى دونالد ترامپپەن بولعان سۇحباتىندا ۆلاديمير ءپۋتيندى كىنالاپ، "قانىشەر" دەپ اتاعان بولاتىن. ال كرەملدەگىلەر ءجۋرناليستىڭ كەشىرىم سۇراپ، ءوز ويىنان باس تارتادى دەپ كۇتكەن.  ال و'رەيلي بولسا، كەشىرىم سۇراۋعا تەك "2023 جىلى دايىن بولاتىندىعىن" ايتقان. رەسەي پرەزيدەنتىنىڭ ءباسپاسوز حاتشىسى دميتري پەسكوۆ كۇنتىزبەدەن وسى داتانى بەلگىلەپ قويىپ، وسى ماسەلەگە قايتا ورالاتىندىعىن ايتقان ەدى.

«The Qazaq Times»