حالىقارالىق ەكونوميكالىق ساياساتتا دا «امەريكا ءبىرىنشى» ۇستانىمىن ىسكە اسىرۋعا تىرىسىپ وتىرعان ترامپ ۇكىمەتى، شەتەلدىك تەحنولوگيا ماماندارىنا ۆيزا بەرۋ جۇمىس تارتىبىنە وزگەرىس ەنگىزۋدى كوزدەپ وتىر. بۇل ءسوزدى اقش جەرگىلىكتى ۋاقىتىمەن سەيسەنبى كۇنى پرەزيدەنت ترامپ ءمالىم ەتكەن ەدى. جوعارى جالاقىلى ماماندار توبىنا كوبىرەك ۆيزا بەرۋ ءتۇزىمىن اتقارماق.
بۇل قازامنىڭ سيليكون القابىنداعى جوعارى تەحنولوگيالىق ءوندىرۋشى كومپانيالارعا ءتيىمدى بولارى انىق. سەبەبى، مۇنداي كومپانيالاردىڭ شەتەلدىك ماماندارىنا بەرىلەتىن H-1B ۆيزاسى شەكتەۋلى بولىپ كەلگەن ەدى. اۋتسورسينگ كومپانيالارىنىڭ باسىم كوبىنىڭ ورتالىعى ءۇندىستاندا ورنالاسقان. الەمدىك تەحنولوگياىق كومپانيالارى شوعىرلانعان سيليكون القابىندا شەتەلدىك ماماندارعا كوپتەپ ورىن بەرىلەدى. جاڭا ەرەجە بويىنشا H-1B ۆيزاسى لوتەرەيا ۇلگىسىندە بەرىلىپ، ءوتىنىش بەرگەندەرگە تەڭدەي مۇمكىندىك قاراستىرىلادى.
ترامپ Snap-On Inc كومپانياسىندا ايتقان سوزىندە: «ءبىز امەريكا ءبىرىنشى ۇستانىمىن شىنداپ قولعا الۋىمىز كەرەك»، – دەدى. وسىدان كەيىن جاڭا ۆيزا بەرۋ ەرەجەسىنە قول قويدى. مەملەكەتتىك دەپارتامەنتتەرگە شەتەلدىك مامانداردى قابىلداۋ، ولاردى ەلدىڭ جاڭا كوشى-قون ەرەجەسىنە سايكەس تيىمدىلىكتەرمەن قامتاماسىز ەتۋ سىندى ىستەرگە تاپسىرما بەردى.
«امەريكالىق ساتۋ، امەريكالىق جالداۋ» ۇستانىمىنىڭ ناتيجەسىنە 150 كۇندىك فەدەرالدىق باعالاۋ ۋاقىتىن بەلگىلەندى. ترامپ ۇكىمەتىنىڭ جاڭا ەكونوميكالىق دامۋعا سەرپىن بەرۋ شارالارى الەمگە كۇشتى سيگنال تاراتۋدا. «اقش ۇكىمەتىنىڭ باستى ماقساتى امەريكالىق جۇمىسكەرلەر مەن ولاردىڭ جۇمىس ورىندارىنىڭ مۇددەسىن قورعاي وتىرىپ، امەريكاعا باسىمدىق بەرۋ»، – دەدى دونالد ترامپ.
The Qazaq Times
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى