الماتى قالاسىنىڭ جەر قاتىناستارى باسقارماسىنىڭ باسشىلىعى رەداكتسيا سۇراعىنا وراي قازۇۋ جەرىنىڭ جەكەنىڭ قولىنا وتكەنى جونىندەگى داۋعا نۇكتە قويىلعانىن حابارلادى.
باسقارما باسشىسى ارداق سامامبەتوۆ 2021 جىلدىڭ العاشقى جارتىجىلدىعىندا اتقارعان جۇمىسى تۋرالى ەكى ايدان كەيىن وتكىزگەن ءباسپاسوز جيىنىندا:
«2017 جىلى قازۇۋ-دىڭ كەلىسىمىمەن 75 سوتتىق جەر OMIREX كومپانياسىنا بەرىلگەن بولاتىن. سودان بەرى ءتيىستى سوتتار ءوتتى. سوتتىڭ شەشىمىنە سايكەس، جەردىڭ بارلىعى زاڭدى بەرىلگەن. بۇل ماسەلە جابىلعان. سەبەبى جەر قازۇۋ-دىڭ كەلىسىمىمەن بەرىلگەن. 2017, 2018 جىلدارى قازۇۋ-دىڭ كەلىسىمەن ءتيىستى قاۋلى قابىلدانعان. ...سوت نۇكتە قويدى. سوتتىڭ شەشىمى ورىندالۋى كەرەك. بيىل مامىر ايىندا سوت شەشىم شىعاردى. بۇل بويىنشا جەردىڭ بەرىلۋىنىڭ زاڭدىلىعى ناقتىلاندى»، – دەدى.
بيىل قىستا باق وكىلدەرى الماتى قالاسىندا ورنالاسقان ءال-فارابي اتىنداعى قازۇۋ قالاشىعىنىڭ اۋماعىنداعى جەردىڭ ءبىر بولىگى باستاپقىدا ۋاقىتشا جالعا الىنىپ، كەيىننەن جەكەنىڭ قولىنا ءوتىپ كەتكەنى تۋرالى جازىپ-حابارلاعان ەدى. جەردى پايدالانۋعا العان كومپانيا دا، ۋنيۆەرسيتەت تە العاشىندا مۇنى جوققا شىعارعان. كەيىننەن كومپانيا اقپارات قۇرالدارىنداعى زەرتتەۋلەردەن كەيىن ناۋرىز ايىندا اقپاراتتى راستاعان. كومپانيا اتالعان اۋماقتا بيزنەس ورتالىعى سالىناتىنىن جانە اباتتاندىرۋ جۇمىسى جۇرەتىنىن مالىمدەگەن.
بۇل دەرەكتى ءبىلىم ءمينيسترى اسحات ايماعامبەتوۆ جوو-عا تيەسىلى جەر ۋچاسكەسىنىڭ شامامەن 0,8 گەكتارعا ازايعانىن راستادى. مينيسترلىكتىڭ جۇمىس توبى cىبايلاس جەمقورلىققا قارسى ءىس-قيمىل اگەنتتىگىمەن بىرلەسكەن تەكسەرىسى اياقسىز قالعان. مۇنى ازاماتتىق قوعام بەلسەندىلەرى جەردىڭ قازىرگى قاعاز جۇزىندەگى يەلەرىنىڭ ءبىرى ىقپال ەتكەن بولۋى مۇمكىن دەپ توپشىلايدى.
داۋ ورشىگەن اقپان ايىندا قالا اكىمى باقىتجان ساعىنتاەۆ وقۋ ورنىنىڭ جەرى جەكەمەنشىككە بەرىلمەيتىنىن ايتىپ، «قازىر ۋنيۆەرسيتەت قاراماعىنداعى جەر تەلىمىنىڭ ءبارى ۋنيۆەرسيتەتتىڭ ءوز قۇزىرەتىندە» دەگەن ەدى. الايدا ماۋسىمدا سوت شەشىمدى وزگەرىسسىز قالدىرعان.
قولدانىستاعى ءتارتىپ بويىنشا، وقۋ ورنى جەرىن باسقاعا بەرگىسى كەلسە، اكىمدىككە ۇسىنىس جاساۋى كەرەك. قالاشىقتىڭ شۇرايلى جەرى جالعا، ارتىنان جەكەمەنشىككە وتكەن كەزدە دە ۋنيۆەرسيتەتتىڭ 11 جىل باسقارعان رەكتور عالىمقايىر مۇتانوۆ بولعان. ول قوعامدىق رەزونانس تۋدىرعان شۋ كەزىندە ورنىنان كەتكەن. ءتورت جىل بۇرىن سول كەزدەگى رەكتور، اكىم مەن اكىمدىك جالعا بەرىلگەن جەردى مەنشىككە قالاي زاڭداستىرعانى قازىرگە دەيىن بەلگىسىز.
وسىعان دەيىن اقپارات قۇرالدارى بۇل جەر تەلىمىنىڭ ەكس-پرەزيدەنت نازارباەۆتىڭ كۇيەۋ بالاسى، ەلدەگى ەڭ باي وليگارحتاردىڭ ءبىرى تيمۋر قۇلىباەۆقا قارايتىن كومپانياعا وتكەنىن حابارلاعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟