قازاقستاننىڭ دەنساۋلىق ساقتاۋ مينيسترلىگى لوكداۋن جاريالاۋ شارتىن قايتا مالىمدەدى. اۋرۋحانالاردا ناۋقاستارعا ارنالعان توسەكتەردىڭ 70%-دان استامى تولسا، كارانتين كۇشەيمەك.
دەنساۋلىق ساقتاۋ ۆيتسە-ءمينيسترى مارات شورانوۆ 8 شىلدەدە ورتكوم الاڭىندا وتكەن ءباسپاسوز جيىنىندا ازىرگە ەلدەگى توسەك-ورىننىڭ 37%-ىندا سىرقاتتار جاتىر دەدى. ونىڭ ايتۋىنشا، پەسسيميستىك بولجامعا سايكەس، تامىز ايىندا ناۋقاستار سانى ەكى ەسە ارتۋى مۇمكىن.
«ەپيداحۋالعا بايلانىستى بولجام وزگەرىپ-ەكشەلەنىپ وتىرادى. بىزدىڭشە، كەلەسى ايدا پاتسيەنتتەردىڭ قاتارى كوبەيەدى. ەگەر پەسسيميستىك بولجامعا جۇگىنەتىن بولساق، وندا اۋرۋ جۇققاندار سانى ەكى ەسە ارتۋى ىقتيمال»، – دەدى شورانوۆ.
ۆيتسە-مينيستر جۋرناليستەردىڭ كارانتيندى قاتايتۋ جوسپارى جونىندەگى سۇراقتاقتارىنا بەرگەن جاۋابىندا ۆەدومستۆو ءوزىنىڭ بۇرىنعى شارتىن باسشىلىققا الاتىنىن حابارلادى. بۇل – اۋرۋحاناداعى توسەك-ورىنداردىڭ 70%-ىنا ناۋقاستار تولعان جاعدايدا لوكداۋن شەشىمى قابىلدانادى. ونىڭ سوزىنشە، ەپيداحۋال ناشارلاپ، ءىس ناسىرعا شاپقان كۇننىڭ وزىندە، بىردەن قوسىمشا ورىندار جاساقتالادى.
سونىمەن قاتار، شورانوۆ قازىر «دەنساۋلىق ساقتاۋ جۇيەسىنە تۇسكەن جۇكتەمە كۇشەيگەنىن» ايتىپ دابىل قاقتى. ماماندار ەلدەگى ءتورتىنشى تولقىننىڭ باستالۋ سەبەبىن وسى ۋاقىتقا دەيىنگى ۇلگىلەرگە قاراعاندا الدەقايدا قاۋىپتى ۇندىستاندىق «دەلتا» شتامىنىڭ تاراۋىمەن بايلانىستىرادى. ددسۇ 7 شىلدەدەگى دەرەگىنشە، قاتەرلى دەلتا شتامى دۇنيەجۇزىنىڭ 104 ەلىنەن انىقتالعان. قازاقستاندا اۋىرعاندار سانى رەسمي دەرەك بويىنشا جارتى ميليوننان، ال تاۋەلسىز زەرتتەۋشىلەردىڭ ەسەبىنشە 5-6 ميليوننان اسقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟