QazVac ۆاكتسيناسىنىڭالعاشقى پارتياسىنىڭ ۇلگىلەرى. فوتو: primeminister.kz

26 ءساۋىر دەنساۋلىق ساقتاۋ ءمينيسترى الەكسەي تسوي استاناداعى №9 ەمحانادا قازاقستاندا جاسالعان وتاندىق QazVac ەكپەسىنىڭ العاشقى دوزاسىن الدى. پرەزيدەنت توقاەۆ رايىنان قايتىپ، ەسەسىنە مينيستر تسويدىڭ جامبىلدىق ۆاكتسينانى سالدىرعان ءساتىن «حابار» ارناسى تىكەلەي ەفيردە كورسەتتى.

عىلىمي اتاۋى QazCovid-In قازاقستاندىق يناكتيۆتى ۆاكتسينانىڭ كلينيكالىق سىناعىنىڭ ءۇشىنشى كەزەڭى 9 شىلدە اياقتالادى. دەسە دە ۇكىمەت سىناقتىڭ جارتىلاي كەزەڭىندە ارالىق ناتيجە نەگىزىندە رەسەي ۇلگىسىندە ۋاقىتشا تىركەۋگە رۇقسات ەتىپ، ەلگە ەگۋدى باستاپ كەتتى. جالپى ءۇش كەزەڭگە 3244 ادام ء(ى كەزەى – 44, ءىى كەزەڭ – 200, ءىىى كەزەڭ 3 مىڭ) ەرىكتى رەتىندە قاتىسقان.

پاندەميا تۇسىنداعى قازاقستاننىڭ ەكىنشى دەنساۋلىق ساقتاۋ ءمينيسترى الەكسەي تسوي «QazVac وتاندىق ەكپەسىن العاشقىلاردىڭ قاتارىندا الىپ جاتقان ءساتى». فوتو: قر دسم

الايدا حالىقارالىق تاجىريبەدە Pfizer, Moderna, سپۋتنيك V, Johnson & Johnson سياقتى تانىمال ۆاكتسينالاردىڭ ءۇشىنشى كەزەڭدەگى كلينيكالىق سىناعىنا كەمىندە 30 مىڭنان اسا ادام قاتىسقان.

ۆاكتسينانى جامبىل وبلىسىنداعى ءبىلىم جانە عىلىم مينيسترلىگىنە قاراستى بيولوگيالىق قاۋىپسىزدىك عىلىمي-زەرتتەۋ ينستيتۋتى جاساپ شىعاردى. رەسمي مالىمەتكە قاراعاندا، كولەمى 50 مىڭ دوزا بولاتىن العاشقى ترانش ايماقتارعا جىبەرىلگەن جانە بۇگىننەن باستاپ ەگىلە باستادى.

QazVac ۆاكتسيناسىنىڭ كەڭ كولەمدە قولدانىلىپ جاتقان سپۋتنيك V ەكپەسىنەن ايىرماشىلىعىنىڭ ءبىرى – ءار فلاكوندا ءبىر عانا دوزا بولادى. دەمەك ەكپە الۋعا كەلگەندەر گامكوۆيدۆاك سياقتى بەس ادامنىڭ جينالۋىن كۇتپەيدى.

بۇعان دەيىن قاڭتار ايىنىڭ اياعىندا پرەزيدەنت توقاەۆ QazVac «ءساتتى شىقسا، سالعىزۋعا» ۋادە ەتكەن رايىنان قايتىپ، ءساىر ايىنىڭ باسىندا، ۆاكتسينا تاپشى كەزدە رەسەيلىك سپۋتنيك V ەكپەسىن العانى حابارلاندى. قوعامدا قىزۋ تالقى تۋدىرعان سوڭ اقوردا پرەزيدەنتتىڭ وتاندىق ۆاكتسينانى الۋعا نيەتتى ەكەنىن حابارلاعان. بىراق ناقتى قاشان سالدىرارى بەلگىسىز. مەديتسينا ماماندارى ءبىر ەكپەنىڭ يممۋندىق جاۋابى ءبىر جىلعا جەتكىلىكتى ەكەنىن جانە ەكى ۆاكتسينانى قاتار الۋعا بولمايتىنىن ەسكەرتەدى.

ەكپەنى جاساپ شىعارۋعا جاۋاپتى عالىمدار يناكتيۆتى ۆاكتسينانىڭ قۋاتى زور دەگەنىمەن، بىراق حالىقارالىق عىلىمي باسىلىمدارعا تەرەڭ زەرتتەۋ ماتەريالدارى جاريالانا قويماعان. بۇلسىز كوپتەگەن عالىمدار مەن ساراپشىلار ناقتى بايلام ايتۋ قيىن دەيدى.

قازىرگى تاڭدا قازاقستاندا 893 مىڭ ادام ەكپە العان. جوسپارلى مەجە بويىنشا، ۇكىمەت ءساۋىر ايىنىڭ سوڭىنا دەيىن 2 ميلليون ادام ەگىلەدى دەگەن ەدى.

ەلدە اۋىرعاندار سانى 361 مىڭنان استى. ونىڭ 99 مىڭى وسى كوكتەمدە  تىركەلدى. قازاقستان ۆيرۋس تارالۋى بويىنشا الەمدە Worldometers دەرەكقورى، دجونس حوپكينس ۋنيۆەرسيتەتى جانە ددسۇ تىزىمىندەگى 221 ەل مەن ايماقتىڭ اراسىندا 48-ورىندا تۇر.

«The Qazaq Times»