امەريكانىڭ يراكتاعى اسكەري ميسسياسى بيىلعى جىلدىڭ سوڭىنا دەيىن اياقتالادى. 

دجو بايدەن يراكتىڭ پرەمەر-ءمينيسترى مۇستافا ءال-كازىميمەن كەزدەسۋىندە وسى جاڭالىقتى جاريا ەتتى. سونداي-اق اق ءۇي باسشىسى ۋاشينگتون مەن باعدات اراسىنداعى لاڭكەستىككە قارسى كۇرەس بويىنشا ىنتىماقتاستىق جالعاسا بەرەتىنىن جەتكىزدى. بايدەن امەريكالىق ماماندار يراكتىڭ قاۋىپسىزدىك كۇشتەرىن وقىتۋ، ۇيرەتۋ جانە ولارعا كەڭەس بەرۋمەن اينالىسادى.

بايدەن مالىمدەمەسىندە: «ءبىز قاۋىپسىزدىك سالاسىنداعى ىنتىماقتاستىققا باسىمدىق بەرەمىز. «دايش»-قا قارسى بىرلەسكەن كۇرەستىڭ ايماقتاعى تۇراقتىلىق ءۇشىن ماڭىزى زور. لاڭكەستىكپەن كۇرەس جولىنداعى ورتاق ءىس-ارەكەتىمىز جالعاسادى»، – دەدى.

قازىر يراكتا اقش-تىڭ شامامەن 2500 اسكەرى بار. بايدەن تاياۋ شىعىستاعى تەرروريزممەن كۇرەستى توقتاتپايتىنىن ايتىپ، بىراق نەگىزگى نازاردى قىتايعا بۇراتىنىن مالىمدەدى. ۆاشينگتون قازىر اقش ءۇشىن قىتاي ارەكەتى قاۋىپسىزدىككە قاۋىپ توندىرەدى دەپ ەسەپتەيدى.

مۇنىمەن قاتار، يراك پرەمەر-مينيسترىمەن كەلىسسوز كەزىندە اقش پرەزيدەنتى كوروناۆيرۋسقا قارسى ۆاكتسينا جىبەرۋگە ۋادە ەتتى.

"The Qazaq Times"