الماتى قالاسىندا سىرقاتتار سانىنا قاتىستى رەكورد تاعى دا جاڭاردى. قوعامدىق دەنساۋلىق ساقتاۋ باسقارماسى قالادا ەپيدەميولوگيالىق جاعداي ناشارلاپ كەتكەنىن راستادى. بيىلعا پتر تەستى وڭ شىققان 21 مىڭنان استام ادام تىركەلدى. سارسەنبى كۇنى 717 سىرقات انىقتالدى. ونىڭ 630-ىندا سيمپتومدىق بەلگىلەرى بار، 87-ءسى سيمپتومسىز.
قوعامدىق دەنساۋلىق ساقتاۋ باسقارماسىنىڭ رەسمي مالىمەتىنشە، وتكەن تاۋلىكتە 400 ادام اۋرۋحاناعا جاتقىزىلعان جانە 491 ادام ۇيىنە جىبەرىلگەن. ناۋرىز ايىنىڭ ورتاسىندا باس سانيتار دارىگەر جانداربەك بەكشين ءبىر كۇندە اۋرۋحاناعا جاتقىزىلعاندار سانى 500-دەن اسسا، قالادا لوكداۋن كۇشەيتىلىپ، بلوك-بەكەت قويىلاتىنىن ەسكەرتكەن.
تاۋلىكتەگى ءوسىم 1,8. كەيىنگى 7 كۇندە 100 مىڭ تۇرعىنعا شاققانداعى اۋرۋشاڭدىق كورسەتكىشى 231,3 بولدى. الدىڭعى اپتادا بۇل 215,2 ەدى. جالپى قالادا دايىندالعان 6,1 مىڭ ورىننىڭ 3520-سىندا سىرقات ەمدەلۋدە. ونداعى 2,7 مىڭ ادامنىڭ جاعدايى ناشار، 692 ادام اۋىر جانە 86 ناۋقاس تىم اۋىر حالدە. سونداي-اق، 71 بالا جەڭىل جانە ورتاشا كۇيدە ستاتسيوناردا جاتىر.
بىلتىر ءبىرىنشى تولقىندا – «ماۋسىم-شىلدە قىرعىنىندا» 6372, قازان ايىندا جۇرگەن ەكىنشى تولقىندا 3607 جانە بيىل كوكتەمگى ءۇشىنشى تولقىندا ازىرگە 14 582 جاعداي تىركەلدى.
الماتىدا ءبىر جىلدا كوروناۆيرۋس پەن پنەۆمونيا سىرقاتتارىنىڭ قاتارى 45 مىڭنان اسقان. مۇنىڭ 32,5%-ى، ياعني 14 مىڭ ادام وسى كوكتەمدە تىركەلگەن. وكىنىشكە قاراي، وسى ارالىقتا 155 الماتىلىق كوز جۇمعان. وسى كۇنگە دەيىن قالادا 49 مىڭ تۇرعىن ۆاكتسينانىڭ العاشقى جانە 12 مىڭى ەكىنشى دوزاسىن سالدىرعان.
ءباا، مىسىر، مالديۆ، يسپانيا، تۇركيا، گرۋزيا، بەلارۋس، شري-لانكا، ساۋد ارابياسى، قحر، وڭتۇستىك كورەيا، گەرمانيا، ۋكراينا، رەسەي فەدەراتسياسى، ءازىربايجان، تاجىكستان، وزبەكستان جانە قىرعىزستان ءتارىزدى ەلدەردەن الماتى قالاسىنا 1 ناۋرىزدان بەرى جۇزدەگەن حالىقارالىق اۋە رەيسى كەلدى. كوكتەم تۋعالى الاتاۋ باۋرايىنا 609 رەيسپەن 88 مىڭ جولاۋشى ۇشىپ كەلگەن: 84 مىڭ ادام پتر قورىتىندىسىمەن، 4539 ادام پتر انىقتاماسىنسىز. وسىنىڭ سالدارىنان جۇعۋ جانە ولىمگە سوقتىرۋ قاتەرى جوعارى بريتاندىق جانە وڭتۇستىكافريكالىق شتامدار تىركەلىپ، وزگە وڭىرلەرگە تارالعان.
ەلدە قاڭتار ايىنىڭ ەكىنشى جانە اقپان ايىنىڭ العاشقى جارتىسىندا ناۋقاستار قاتارى كۇرت كوبەيگەن. اقپان ايىنىڭ ەكىنشى جارتىسىندا ءبىرشاما كەمىگەن ەدى، دەسە دە ناۋرىزدا قايتا ارتتى. قازىر تاۋلىگىنە 2 مىڭعا جۋىق سىرقات جانە 15 شاقتى ءولىم جاعدايى تىركەلىپ جاتىر. كوكتەم تۋعالى 52 مىڭنان اسا (كۆي+ 50,5 مىڭ، كۆي- 1,8 مىڭ) ناۋقاس انىقتالدى، 511 ادام (كۆي+ 418, كۆي- 93) ومىردەن قايتتى. قالانىڭ باس سانيتار دارىگەرى جانداربەك بەكشين كەيىنگى بەس اپتادا 10 قاۋلى شىعاردى. سەبەبى قابىلدانعان ەرەجە مەن قاتاڭداتىلعان لوكداۋن شاراسى كۇتكەندەي ناتيجە بەرمەدى. مۇنى دۇيسەنبى كۇنگى بريفينگتە بەكشين دەمالىس كۇندەرى قوعامدىق كولىكتى توقتاتۋ جانە ساۋدا قاتارلارىنىڭ جۇمىسىن شەكتەۋ سياقتى شەشىم «ءتيىمسىز بولماعانىن»، ياعني بۇدان ىندەت احۋالى جاقسارماعانىن مويىندادى. ول ءۇش اپتادان اسا ۋاقىت «قىزىل ايماقتا» تۇرعان قالادا تىركەلىپ جاتقان ناۋقاستار ۆيرۋستى «كوبىنە جاياۋ جۇرگىنشىلەردىڭ جولدارى مەن ساياباقتا» جۇقتىرعانىن ايتادى.
بىلتىر 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 264 مىڭعا، 1 تامىزدان بىلايعى كوروناۆيرۋس پنەۆمونياسى 51 مىڭعا جەتكەن. ددسۇ دەرەكقورى مەن ۇلتتىق ستاتيستيكادا قازاقستاندا اۋىرعاندار سانى 315 مىڭنان اسقان. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. سونداي-اق پاندەميا كەزىندە جالپى ۆيرۋس جۇققانداردىڭ 5,5 مىڭى (كۆي+ / U07.1 – 3190, كۆي- / U07.2 – 721, ىلەسپە اۋرۋلاردان – 1619) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەندەردى جالپى ستاتيستيكاعا ەنگىزبەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟