بۇگىن قازاق رۋحانياتى تاعى ءبىر مارقاسقا الىبىنان ايىرىلىپ وتىر. قازاق ادەبيەتىنىڭ باس ساردارى اتانعان، فيلولوگيا عىلىمدارىنىڭ دوكتورى، اكادەميك سەرىك قيراباەۆ 95 جاسقا قاراعان شاعىندا ومىردەن وزدى.
سەرىك سمايىلۇلى 1927 جىلى ناۋرىزدا جاڭارقا جەرىندە ءومىر ەسىگىن اشقان. اباي اتىنداعى قازاق پەداگوگيكا ينستيتۋتىن 1951 جىلى تامامداعاننان كەيىن، ەڭبەك جولىن قازاق مەملەكەتتىك كوركەم ادەبيەت باسپاسىندا جانە «ادەبيەت جانە يسكۋسستوۆا» جۋرنالىنان باستاعان.
كەڭەس وداعى كەزىندە قازاقستانداعى ەڭ ىرگەلى رەداكتسيالاردا، «پيونەر»، «سوتسياليستىك قازاقستان» قاتارلى باستى باسىلىمداردا رەداكتورلىق جاۋاپتى قىزمەتتەر اتقارعان سەرىك سمايلۇلى قازاق كسر جوعارعى كەڭەسىنىڭ «قۇرمەت» گراموتاسىمەن، كسرونىڭ «ەڭبەك قىزىل تۋ» وردەنى، كسرونىڭ «حالىقتار دوستىعى» وردەنىمەن ماراپاتتالعان. تاۋەلسىزدىكتەن كەيىن قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى (1994), قازاقستان مەملەكەتتىك سىيلىعىنىڭ يەگەرى (1996), «قازاقستاننىڭ ەڭبەك سىڭىرگەن قايراتكەرى» قۇرمەتتى اتاقتارىنىڭ يەگەرى بولعان.
ورىنى تولماس قازاعا بايلانىستى مارقۇمنىڭ وتباسىنا، تۋىس-تۋعانىنا، جاناشىر جاقىندارىنا جانە تۇتاس قازاق ەلىنە رەداكتسيا اتىنان قايعىرا وتىرىپ كوڭىل ايتامىز! مارقۇمنىڭ جانى ءجاناتتا، توپىراعى تورقا بولعاي!
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟