اقتوبە يمامدارى استا-توك قۇدايى تاماققا جاڭا اس ءمازىرىن ۇسىندى

اقتءوبە وبلىسىنىڭ يمامدارى قۇدايى تاماق كەزىندە ىسىراپقا جول بەرمەۋدىڭ امالىن جاسادى. ولار "شاعىن اس مءاءزىرىن" ۇسىندى. 13 سءاۋىردەن باستاپ ول ورتالىق "نۇرعاسىر" مەشىتىندە قولدانىلا باستادى. "شاعىن اس مءازىرىنە" قازاقتىڭ ۇلتتىق تاعامدارى ەنگەن.

"مۇنداي اس ءمازىرىن بەكىتۋ ءۇشىن، ءبىز وبلىستىڭ بارلىق اۋداندارىن ارالاپ شىقتىق. 1 230 ادامنىڭ پىكىرىن تىڭدادىق. ولاردىڭ 85 پايىزى قۇدايى تاماق كەزىندە ىسىراپ كوپ بولاتىنىن ايتتى", - دەدى قازاقستان مۇسىلماندارى ءدىني باسقارماسىنىڭ اقتوبە وبلىسى بويىنشا وكىلى تولەبي وسپانوۆ.

اس ءمازىرى جەرگىلىكتى مەيرامحانالار مەن كافەلەردە قولدانۋ جوسپاردا بار. ال وبلىس يمامدارى بولسا ىسىراپ جاساۋعا بولمايتىنى تۋرالى ۇگىت جۇرگىزەدى.

"وبلىستىق مەشىتتەگى اسحانادا 100 ادامعا 170 مىڭ تەڭگە (شامامەن 550 دوللار) كەتەدى. سونىڭ 105 مىڭ تەڭگەسى ازىق-تۇلىككە جۇمسالادى. ال جەرگىلىكتى مەيرامحانالار 100 ادامعا ارنالعان قۇدايى تاماققا كەم دەگەندە 300-400 مىڭ تەڭگە الادى", - دەدى "نۇرعاسىر" مەشىتىنىڭ اقساقالى بەكەجان قاجى احانۇلى.

مۇنداي ۇسىنىس ءدىني راسىمدەر مەن ۇلتتىق ءداستۇردى بىرىكتىرۋگە ارنالعان كونفەرەنتسيادا ايتىلدى. جيىن سوڭىندا يمامدار ىسىراپشىلدىقپەن كۇرەسۋگە كەلىستى.

“The Qazaq Times”