ۇلىبريتانيادا تۋريستەر ءۇشىن قاتاڭ كارانتيندىك ەرەجەلەر كۇشىنە ەندى. بۇگىننەن باستاپ شەتەلدەن كەلگەن ازاماتتار ەكى رەت پتر تەست تاپسىرادى. ال «قىزىل» تىزىمدەگى 33 ەلدەن كەلگەندەر ءبىر جارىم اپتا كارانتينگە جاتقىزىلادى.
وسى ۋاقىتقا دەيىن ەلگە كىرەر الدىندا بارلىق تۋريستەر ۇكىمەتتىڭ ۆەب-سايتىنداعى قۇجاتتاردى تولتىرىپ، 72 ساعاتتان كەشىكتىرمەي كوروناۆيرۋسقا تەست تاپسىرعان. بۇدان بىلاي ازاماتتار وقشاۋلانۋعا دەيىن جانە كەيىن ەكى مارتە تەست تاپسىرادى. اۋەجايدا پتر-تەستى بولماعان ازاماتتارعا 1 مىڭ فۋنت ستەرلينگ ايىپپۇل سالىنادى. ال وقشاۋلانۋ بىتەر كەزدە قايتا تەكسەرۋدەن وتپەگەندەر 2 مىڭ فۋنت ستەرلينگ تولەپ، تاعى 2 اپاتاعا كارانتينگە جابىلادى.
5 قاڭتاردا كوروناۆيرۋستىڭ مۋتاتسياعا ۇشىراعان ءتۇرىنىڭ تەز تارالۋىنا بايلانىستى ۇلىبريتانيادا جالپىۇلتتىق لوكداۋن ەنگىزىلگەن. جەلتوقساننىڭ اياعىندا ۇلىبريتانيادا شىققان كوروناۆيرۋستىڭ وزگەرگەن جاڭا ءتۇرى كوپتەگەن ەلدە تىركەلدى. مالىمەتتەر بويىنشا، ۆيرۋستىڭ جاڭا شتامى ادامدار اراسىندا 70%-عا تەز تارايدى. بىراق قاۋىپتىلىگى جاعىنان بۇرىنعى تۇرىنەن ەرەكشەلەنبەيدى.
بۇل حاباردان كەيىن بىرنەشە مەملەكەت ۇلىبريتانيامەن اۋە بايلانىسىن ۋاقىتشا توقتاتتى. ولاردىڭ قاتارىندا كانادا، ەۋروپانىڭ ءبىرواتار ەلدەرى جانە لاتىن امەريكاسى بار. سونىمەن قاتار فرانتسيا بارىس-كەلىستىڭ بارلىق تۇرىنە، ال بەلگيا ۇلىبريتانيامەن تەمىرجول قاتىناسىنا تىيىم سالدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى