دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا بويىنشا ايماقتىق ديرەكتورى حانس كليۋگە كوروناۆيرۋس پاندەمياسى 2022 جىلى اياقتالادى دەگەن بولجام جاسادى.

الايدا، ۆيرۋس وزدىگىنەن جويىلىپ كەتپەيدى. رەسمي وكىل سوزىندە: «مەنىڭ ويىمشا، 2021 جىل دا كوروناۆيرۋس جىلى بولادى. 2022 جىلدىڭ باسىندا پاندەميا ارتتا قالادى، بىراق بۇل ۆيرۋستىڭ ءوزى جويىلادى دەگەندى بىلدىرمەيدى»، – دەيدى. قازىر الەمدە كوروناۆيرۋستىڭ بريتانيالىق شتامىن جۇقتىرۋ دەرەگى ارتقان.

«بريتاندىق» ۆيرۋس ناقتى وسى ەلدە وزگەرىسكە ۇشىراعان با، ول دا ازىرگە بەلگىسىز. ونىڭ وسى ەلدە يممۋنيتەتى ءالسىز، ۆيرۋسپەن كۇرەسۋگە دارمەنسىز ناۋقاستىڭ اعزاسىندا پايدا بولعانىن (مۇنداي اعزا ۆيرۋستىڭ وزگەرۋىنە قولايلى سانالادى) بولماسا سىرتتان كەلگەنىن ەشكىم تاپ باسىپ ايتا المايدى. مۋتاتسياعا ۇشىراعان ۆيرۋس ونى جۇقتىرعان ادام باسقا جاقتان، مىسالى، افريكا ەلدەرىنىڭ بىرىنەن ۇلىبريتانياعا كەلگەندە تارالۋى دا مۇمكىن. افريكادا پاندەميانى باقىلاۋدا ۇستاۋ جاعى ەۋروپامەن سالىستىرعاندا ناشار بولعاندىقتان، مۋتاتسيا بايقالماۋى دا ىقتيمال.

ازىرگە كوروناۆيرۋستىڭ جاڭا ءتۇرى الدىڭعىسىنان الدەقايدا قاۋىپتى، ياعني ول تەز تارالىپ قانا قويماي، ادام اعزاسىنا قاتتىراق اسەر ەتەدى دەۋگە نەگىز جوق. ماماندار قازىرگى كەزدە كوروناۆيرۋسقا قارسى جاسالعان ۆاكتسينالار ۆيرۋستىڭ «بريتاندىق» تۇرىنە دە اسەر ەتە الادى دەپ سانايدى. اتالعان ۆاكتسينالاردى كەيبىر ەل جاپپاي ەگۋدى باستاپ كەتسە، كەيبىرى دايىندالىپ جاتىر.

"The Qazaq Times"