Foto: interfax.az

Wlıbritaniyada turister üşin qatañ karantindik erejeler küşine endi. Büginnen bastap şetelden kelgen azamattar eki ret PTR test tapsıradı. Al «qızıl» tizimdegi 33 elden kelgender bir jarım apta karantinge jatqızıladı.

Osı uaqıtqa deyin elge kirer aldında barlıq turister ükimettiñ veb-saytındağı qwjattardı toltırıp, 72 sağattan keşiktirmey koronavirusqa test tapsırğan. Bwdan bılay azamattar oqşaulanuğa deyin jäne keyin eki märte test tapsıradı. Äuejayda PTR-testi bolmağan azamattarğa 1 mıñ funt sterling ayıppwl salınadı. Al oqşaulanu biter kezde qayta tekseruden ötpegender 2 mıñ funt sterling tölep, tağı 2 apatağa karantinge jabıladı.

5 qañtarda koronavirustıñ mutaciyağa wşırağan türiniñ tez taraluına baylanıstı Wlıbritaniyada jalpıwlttıq lokdaun engizilgen. Jeltoqsannıñ ayağında Wlıbritaniyada şıqqan koronavirustıñ özgergen jaña türi köptegen elde tirkeldi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi.

Bwl habardan keyin birneşe memleket Wlıbritaniyamen äue baylanısın uaqıtşa toqtattı. Olardıñ qatarında Kanada, Europanıñ biröatar elderi jäne Latın Amerikası bar. Sonımen qatar Franciya barıs-kelistiñ barlıq türine, al Bel'giya Wlıbritaniyamen temirjol qatınasına tıyım saldı.

"The Qazaq Times"