انگليانىڭ وڭتۇستىك-باتىسىنداعى بريستول وكرۋگىندە قاۋىپتى مۋتاتسيا ساناتىنا جاتاتىن COVID-19 ۆيرۋسىنىڭ تاعى ءبىر جاڭا شتامى تابىلدى. ۆيرۋستىڭ وزگەرگەن ءتۇرى ليۆەرپۋلدە دە تىركەلگەن.
ۇلىبريتانيا دەنساۋلىق ساقتاۋ مينيسترلىگىنىڭ جاڭا رەسپيراتورلىق ۆيرۋستاردىڭ قاۋپى تۋرالى كونسۋلتاتيۆتىك توبىنىڭ ەسەبىندە بريستول شتامى كوروناۆيرۋستىڭ بۇرىن انىقتالعان «كەنت» نۇسقاسىنان جانە برازيليا مەن وڭتۇستىك افريكانىڭ سovid-19 شتامدارىندا كەزدەسەتىن اقۋىز مۋتاتسياسىمەن ەرەكشەلەنەدى.
قازىرگى ۋاقىتتا ەلدە بريستول جانە ليۆەرپۋل شتامدارىن جۇقتىرۋدىڭ 76 جاعدايى انىقتالدى. قاۋىپتى ساناتقا جاتاتىن ۆيرۋستىڭ مۋتاتسيالانعان 4 ءتۇرى انىقتالعان. كوروناۆيرۋستىڭ وزگەرگەن «كەنت» جانە «بريستول» دەپ اتالاتىن تۇرىنەن باسقا، وڭتۇستىك افريكا مەن برازيليادا دا جاڭا شتامم تىركەلگەن. قوعامدىق دەنساۋلىق ساقتاۋ قىزمەتى الەم بويىنشا سىناقتىڭ ءۇش فازاسىنان دا ءساتتى وتكەن ۆاكتسينالار ۆيرۋستىڭ كەز كەلگەن شتامىنان قورعايدى دەيدى.
«كەنت «covid-19 شتاممى 2020 جىلدىڭ قىركۇيەگىندە انىقتالدى. ساراپشىلاردىڭ پىكىرىنشە، بۇل ۆيرۋستىڭ باسقا گەنەتيكالىق نۇسقالارىنا قاراعاندا 70%-عا دەيىن جۇقپالى. ال ۆيرۋستان بولاتىن ءولىم 30%-عا جوعارى بولۋى مۇمكىن.
امەريكالىق Johnson & Johnson كورپوراتسياسىنىڭ باسشىسى الەكس گورسكي كوروناۆيرۋستىڭ جاڭا شتامدارىنىڭ پايدا بولۋىنا بايلانىستى جىل سايىن ۆاكتسيناتسيا قاجەت بولۋى مۇمكىن دەگەن بولجام جاسادى.
8 قاڭتاردا ۆيرۋستىڭ مۋتاتسياعا ۇشىراعان ءتۇرى ەۋروپانىڭ 22 ەلىندە تىركەلگەن. سوڭعى اپتادا جاڭا شتامم كەز كەلگەن جاستاعى ادامداردان انىقتالعان. سوندىقتان ول بۇكىل الەمگە تاراپ، ۇلىبريتانياداعىداي باستى كوروناۆيرۋسقا اينالۋ قاۋپى بار. ددسۇ ەۋروپالىق بيۋروسىنىڭ ديرەكتورى حانس كليۋگە: «كوروناۆيرۋسپەن كۇرەستە ۇجىمدىق يممۋنيتەت ماڭىزدى ءرول ويناۋى ءتيىس. بىراق بۇل ناتيجەگە جەتپەس ءۇشىن الدىمەن ۆيرۋستىڭ تارالۋىن ازايتۋ قاجەت. سەبەبى ۆاكتسينا دەرتكە قانشالىقتى ۇزاق توسقاۋىل قويا الاتىنى ءالى بەيمالىم»، – دەيدى.
الەمدە سىناقتان ءساتتى وتكەن Pfizer, BioNTech فارماتسەۆتيكالىق كومپانياسى جاساعان ەكپە جانە امەريكالىق مoderna ەكپەسىن سالۋدى باستاعان ەلدەر قاتارىندا ۇلىبريتانيا، اقش جانە كانادا بار. امەريكالىق Pfizer جانە ونىڭ گەرمانيالىق سەرىكتەسى BioNTech كومپانياسى بىرلەسىپ ازىرلەگەن ۆاكتسينانىڭ تيىمدىلىگى كلينيكالىق سىناقتا 90%-دان استام وڭ ناتيجە كورسەتكەن. ال وسكفورد ۋنيۆەرسيتەتى مەن AstraZeneca كومپانياسى وندىرگەن كوروناۆيرۋسقا قارسى ۆاكتسينا 70% تيىمدىلىك كورسەتتى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى