Foto: static.com

Angliyanıñ oñtüstik-batısındağı Bristol' okruginde qauipti mutaciya sanatına jatatın COVID-19 virusınıñ tağı bir jaña ştamı tabıldı. Virustıñ özgergen türi Liverpul'de de tirkelgen.

Wlıbritaniya Densaulıq saqtau ministrliginiñ jaña respiratorlıq virustardıñ qaupi turalı konsul'tativtik tobınıñ esebinde Bristol' ştamı koronavirustıñ bwrın anıqtalğan «kent» nwsqasınan jäne Braziliya men Oñtüstik Afrikanıñ Sovid-19 ştamdarında kezdesetin aquız mutaciyasımen erekşelenedi.

Qazirgi uaqıtta elde Bristol' jäne Liverpul' ştamdarın jwqtırudıñ 76 jağdayı anıqtaldı. Qauipti sanatqa jatatın virustıñ mutaciyalanğan 4 türi anıqtalğan. Koronavirustıñ özgergen «Kent» jäne «bristol'» dep atalatın türinen basqa, Oñtüstik Afrika men Braziliyada da jaña ştamm tirkelgen. Qoğamdıq densaulıq saqtau qızmeti älem boyınşa sınaqtıñ üş fazasınan da sätti ötken vakcinalar virustıñ kez kelgen ştamınan qorğaydı deydi.

«Kent «covid-19 ştammı 2020 jıldıñ qırküyeginde anıqtaldı. Sarapşılardıñ pikirinşe, bwl virustıñ basqa genetikalıq nwsqalarına qarağanda 70%-ğa deyin jwqpalı. Al virustan bolatın ölim 30%-ğa joğarı boluı mümkin.

Amerikalıq Johnson & Johnson korporaciyasınıñ basşısı Aleks Gorski koronavirustıñ jaña ştamdarınıñ payda boluına baylanıstı jıl sayın vakcinaciya qajet boluı mümkin degen boljam jasadı.

8 qañtarda virustıñ mutaciyağa wşırağan türi Europanıñ 22 elinde tirkelgen. Soñğı aptada jaña ştamm kez kelgen jastağı adamdardan anıqtalğan. Sondıqtan ol bükil älemge tarap, Wlıbritaniyadağıday bastı koronavirusqa aynalu qaupi bar. DDSW Europalıq byurosınıñ direktorı Hans Klyuge: «Koronaviruspen küreste wjımdıq immunitet mañızdı röl oynauı tiis. Biraq bwl nätijege jetpes üşin aldımen virustıñ taraluın azaytu qajet. Sebebi vakcina dertke qanşalıqtı wzaq tosqauıl qoya alatını äli beymälim», – deydi.

Älemde sınaqtan sätti ötken Pfizer, BioNTech farmacevtikalıq kompaniyası jasağan ekpe jäne amerikalıq Moderna ekpesin saludı bastağan elder qatarında Wlıbritaniya, AQŞ jäne Kanada bar. Amerikalıq Pfizer jäne onıñ germaniyalıq seriktesi BioNTech kompaniyası birlesip äzirlegen vakcinanıñ tiimdiligi klinikalıq sınaqta 90%-dan astam oñ nätije körsetken. Al Oskford universiteti men AstraZeneca kompaniyası öndirgen koronavirusqa qarsı vakcina 70% tiimdilik körsetti.

"The Qazaq Times"