لوندون سوتى Wikileaks سايتىنىڭ نەگىزىن قالاۋشى دجۋليان اسسانجدى اقش بيلىگىنە بەرۋدەن باس تارتتى. مۇنىڭ سەبەبىن سوت 49 جاستاعى جۋرناليست امەريكاعا ەكستراديتسيالانسا، ونىڭ پسيحيكالىق جاعدايىنا كەرى اسەر ەتۋى مۇمكىن ەپ ءتۇسىندىردى. الايدا اسسانجعا قارسى سوت ءالى بىتكەن جوق.
بىلتىر مامىردا اقش بيلىگى اسسانجعا 17 باپ بويىنشا ايىپ تاققان. ونىڭ ىشىندە تىڭشىلىق جاسادى جانە قۇپيا اقپاراتتاردى جاريا ەتتى دەگەن ايىپتار بار.
2010 جىلى اسسانجعا شۆەتسيادا زورلىق-زومبىلىق جاسادى دەگەن ايىپ تاعىلعان. ول 2012 جىلدان بەرى ەكۆادوردىڭ ۇلىبريتانياداعى ەلشىلىگىندە جاسىرىنعان. ونى بريتانيا بيلىگى 2019 جىلدىڭ 11-ءشى ساۋىرىندە شۆەتسيا مەن اقش-تىڭ ءوتىنىشى بويىنشا قاماۋعا العان. مامىر ايىنىڭ 2-ءى كۇنى لوندون سوتى اقش-قا دجۋليان اسسانجعا تاعىلعان ايىپتاردى دالەلدەۋگە 65 كۇن ۋاقىت بەرگەن.
48 جاستاعى دجۋليان اسسانج اۋستراليا ازاماتى. ول Wikileaks سايتى ارقىلى اسا قۇپيا سانالاتىن 500 مىڭنان استام قۇجاتتىڭ ەلەكتروندى نۇسقاسىن جاريالاعان. بۇل قۇجاتتار اراسىندا الەم ەلدەرى ليدەرلەرىنىڭ قۇپيا سويلەسۋلەرى، مەملەكەتتەردىڭ قۇپيا جوسپارلارىنان تارتىپ، قارجى جىمقىرۋ، ءىرى سىبايلاس جەمقورلىق قىلمىستارىنىڭ مالىمەتتەرى دە بار. ارينە، وندا قازاقستانعا قاتىستى دا كوپتەگەن قۇپيا قۇجاتتار بولعان. دجۋليان اسسانج 7 جىل بۇرىن شۆەتسياعا ەكستراديتسيادان قاشىپ بارىپ باس ساۋعالاعان بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟