Foto: VVS

London sotı Wikileaks saytınıñ negizin qalauşı Djulian Assanjdı AQŞ biligine beruden bas tarttı. Mwnıñ sebebin sot 49 jastağı jurnalist Amerikağa ekstradiciyalansa, onıñ psihikalıq jağdayına keri äser etui mümkin ep tüsindirdi. Alayda Assanjğa qarsı sot äli bitken joq.

Bıltır mamırda AQŞ biligi Assanjğa 17 bap boyınşa ayıp taqqan. Onıñ işinde tıñşılıq jasadı jäne qwpiya aqparattardı jariya etti degen ayıptar bar.

2010 jılı Assanjğa Şveciyada zorlıq-zombılıq jasadı degen ayıp tağılğan. Ol 2012 jıldan beri Ekvadordıñ Wlıbritaniyadağı elşiliginde jasırınğan. Onı Britaniya biligi 2019 jıldıñ 11-şi säuirinde Şveciya men AQŞ-tıñ ötinişi boyınşa qamauğa alğan. Mamır ayınıñ 2-i küni London sotı AQŞ-qa Djulian Assanjğa tağılğan ayıptardı däleldeuge 65 kün uaqıt bergen.

48 jastağı Djulian Assanj Australiya azamatı. Ol Wikileaks saytı arqılı asa qwpiya sanalatın 500 mıñnan astam qwjattıñ elektrondı nwsqasın jariyalağan. Bwl qwjattar arasında älem elderi liderleriniñ qwpiya söylesuleri, memleketterdiñ qwpiya josparlarınan tartıp, qarjı jımqıru, iri sıbaylas jemqorlıq qılmıstarınıñ mälimetteri de bar. Ärine, onda Qazaqstanğa qatıstı da köptegen qwpiya qwjattar bolğan. Djulian Assanj 7 jıl bwrın Şveciyağa ekstradiciyadan qaşıp barıp bas sauğalağan bolatın.

"The Qazaq Times"