اقش كونگرەسىنىڭ سەناتى دونالد ترامپقا قارسى ەكىنشى يمپيچمەنت پروتسەسىن باستادى. ەگەر بۇرىنعى پرەزيدەنتكە يمپيچمەنت جاريالاناتىن بولسا، ول مەملەكەتتىك قىزمەت اتقارۋدان شەتتەتىلەدى.
ترامپتى ايىپتاۋ قارارىندا ءبىر عانا باپ بار – «بۇلىككە شاقىرۋ». رەسپۋبليكالىق زاڭگەرلەر ونىڭ ميتينگتەگى سوزدەرى قاقتىعىستارعا سەبەپ بولعان جوق دەپ سانايدى. ويتكەنى نارازىلىق بىلدىرۋشىلەر ءوز ەركىمەن كاپيتولي عيماراتىنا شابۋىل جاساعان. ساراپشىلاردىڭ پىكىرىنشە، سايلاۋداعى جەڭىلىس، سەناتتاعى سپيكەرلەردىڭ ازايۋى رەسپۋبليكالىق پارتيانىڭ بولىنۋىنە اكەلۋى مۇمكىن.
بيلىكتەن شەتتەتۋ ءراسىمىنىڭ باستالۋى كاپيتولي قاقتىعىسىمەن بايلانىستى. 7 قاڭتار اقش كونگرەسى سايلاۋشىلاردىڭ داۋىسىن ەسەپتەپ، 2020 جىلعى پرەزيدەنت سايلاۋىنىڭ قورىتىندىسىن شىعارۋ ءۇشىن جينالعان بولاتىن. سايلاۋدا دەموكراتتار پارتياسىنىڭ وكىلى دجو بايدەن جەڭىسكە جەتكەن ەدى. الايدا بۇعان دەيىنگى پرەزيدەنت دونالد ترامپتىڭ جاقتاستارى جاپپاي نارازىلىق اكتسياسىن باستاپ، ولاردىڭ ءبىر توبى كونگرەسس عيماراتىنا باسىپ كىردى.
3 قاراشادا وتكەن پرەزيدەنت سايلاۋىندا رەسمي ناتيجە بويىنشا 306-232 (ەلەكتورلار داۋىسى) ەسەبىمەن دجو بايدەن جەڭىسكە جەتكەن. بىراق ترامپ سايلاۋ ناتيجەسىن مويىنداۋدان باس تارتتى.
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟